براءه 2006 @braaah_2006

عضوة نشيطة

احترت ايش اسوي مع بنتي الي عندها خبرة تساعدني

السلام عليكم ورحمة الله

اسعد الله صباحكم اخواتي الغاليات

عندي مشكلة مع بنتي ومحيرتني وماني عارفة ايش اسوي معاها

الي تعرف الحل رجاءا ترد عليا وتقولي ايش اسوي معاها والله قربت انجن منها :44:

بنتي الله يحميها بالصف الثاني الأبتدائي ومن كانت باول وهي ما تحب تدرس ولا تذاكر

الله يهديها خاصة الكتابة والأملاء مع انها حافظة كل الحروف وتعرف تكتب اي كلمة انقلها ياها

بس المشكلة انها بالصف الأول في بداية السنة كانت مدرستها شديدة مرا معاها مو بس هي

الا كل البنات كانت مخوفتهم وصارت البنت تموت ولا تروح المدرسة وتكون دارسة وما احلاها

يوم تروح المدرسة وتقولها الأبلة املاء خلاص تجيها السكتة وما عاد تتكلم ولا ترد ولا حتى تطلع دفتر الأملاء وتكتب فيه

كل هذا خوف من ابلتها عشان عصبت عليها كم مرة في بداية السنة قمت انا لما شفت البنت وحالتها قلت انقلها

وديتها مدرسة ثانية وشرحت لمعلمتها الجديدة ايش حالتها بالضبط وصارت ما احلاها معاها

السنة هاذي المعلمة الي كانت بنتي ماشية معاها كويس انتقلت من عندهم

المشكلة انها نقلت من البلد كلها يا ليت بس مدرسة ثانية المهم ما اطول عليكم

بنتي رجعتلها نفس الحالة الي كانت عندها وما عاد تبغى تدرس ولا تذاكر ولا تفتح كتبه

ومهما سويت معاها ولا تسمع كلامي وتجيها زي حالة كده وصداع الغريب ان طفلة بعمرها

يصير معاها صداع لدرجة اني افتكرت ان عندها ضعف نظر وفحصتها والحمد لله ما طلع معاها شي

دحين قولولي ايش الحل معاها خاصة اي استعملت كل شي سواء تهديد او ترغيب او عقاب

او ثواب مافي فايدة ومدرساتها كل يوم يحطولي ملاحظات على دفتر الواجي واليوم يبغوني

اروح المدرسة عشانها ويقولو انها تعبانة مرا بكل المواد بعد ما كانت ممتازة بالرياضيات والعلوم والقرآن

المشكلة انها تروح عند المعلمة وتجلس ساكتة لا تقرا ولا ترضى تكتب ولا تسوي حاجة

حتى ان المعلمة حقتها تقول انها هادية زيادة عن اللزوم تكفون الي مرت عليها هيك حالة ولا جربتها

تقولي ايش اسوي ربي يجزيكم الخير يارب

ا

يلزم عليك تسجيل الدخول أولًا لكتابة تعليق.

تسجيل دخول

( أثير ) • 16 سنة

دخلت أساعدك لكن ما عندي خبره :44::44:

جبل احد • 16 سنة

عليكم السلام
الله يعينك اختي ابعطيك الي اقدر عليه لاكن اشوف ان حالة بنتك صعبه شوي

انتي حاولي تحببيها بالمدرسه جيبي لها لواصق ورود خليها تختار حاجات للمدرسه من المكتبه

الغي شي اسمه افلام كرتون والله انا مجربتها تخبل الاطفال انا من شلتها من البيت ارتح وارتاحو الاطفال

لان الطفل يشتت مخه وخاصه سبيستون وام بي سي 3 الله يشيلها

حاولي انك تختارين وقت تكون هي رايقه واله يعينك اذا افتكرت شي ارجع

لحن السعاده • 16 سنة

الله يعينك
وماعندي فكره
بس اقول حسبي الله ونعم الوكيل على المدرسه الي تعقد الاطفال وهم توهم في بدايه حياتهم

انقهر لما اسمع مدرسه اطفال او ابتدائي وعصبيه عيل ليش دخلتي التدريس قعدي في بيتج ابرك

الشمعة الحزينة • 16 سنة

ام ميار... • 16 سنة

الله يعينك ويساعدك

اسفة ما عنديخبرة