احترت باختيار الدرب للوصول. .للطموح 😔

السلامُ علي?م ورحمة الله وبركاته
بنات انا عمري 24
لما كنت بآخر سنه بالثانوية كنت ابي أدخل أي جامعه وطموحي للحاسب الآلي
كانت نسبتي بالثانوية 99.70 ونسبة القدرات 70 والمجموع مع التحصيلي 80
انا برأس تنوره وكنت ابي الجبيل أقرب شيء
بس ابوي رفض وأجبرني ع جامعة العلوم بالدمام م قدرت أرفض مع محاولات إقناعه. .والأخير دخلت العلوم مع اني م أبيها لأن الأقسام اللي فيها إحياء وكيمياء وفيزياء ورياضيات وم كانت ببالي أبد ولا أبي أفكر فيها أساسا رحت للشؤون ابي احول قالولي جيبي معدل 2.5 أو أكثر ورح تحولين بإذن الله
استااااانست وشديت حالي وضغطت ع نفسي وجبت 3.5 ولما رجعت لهم قالت لي مافيه تحويل من العلوم لتربية قلت ليش قالت لي شوفي لك واسطه ي بنتي واظلمت الدنيا بوجهي. .واستمريت بالعلوم بس طريق تمشين فيه وانتي مجبوره ومغصوبه مرح تكملينه مهما صار. .
انا ظليت سنتين ونص وفيه مواد حاملتها وأمي تعبت وم قدرت أكمل فتركت الدراسه وسحبت ملفي
بس اللي سلمتني الملف كأني مسويه فيها جريمه
مع اني اول مره اشوفها
قالت:هذا الملف معك يعني لو تبين تسجلين في أي جامعه تحت مسمى جامعة الدمام مرح تنقبلين واذا تبين ترجعين م اتوقع رح تنقبلين بعد
وربي طلعت ودموعي أربع أربع تأسفت مني وقلت لها مو منك من بدايتي الغلط
وهذا انا جالسه بالبيت صار لي سنتين صديقاتي تخرجوا وانا ورب البيت مغبونه
نفسي أسجل بجامعة الفيصل يمدحونها بس مدري اهي تقبل نفس حالتي والا لا؟
لاتقولون دورات انا ابي ادرس بكالريوس عادي لو انو عن بعد
بس ابيكم تساعدوني تكككككفون 😔