احترت بين اخوي وزوجي انصحوني

السلام عليكم ورحمة الله وبركاته

خواتي حبيت افضفض لكم لاني حاسه بكتمه وضيق من المشاكل اللي صارت لي مع زوجي بسبة اخوي الله يهداه

في البدايه بقول لكم عن شخصية اخوي الكبير هو انسان متقلب المزاج وعنده اكثر من شخصيه واذا تعمق في الدين يدخل بقوه وفجاه يتغير ويصير انسان ثاني يعني كل شي عنده مؤقت

المهم انا شفت اخوي عنده مشاكل في العمل مع كل مدير قلت لزوجي جيب اخوي عندك وهو رئيس قسم والحمدلله كانت اموره تمام قبل لا يجي اخوي

ومن اول شهرر بلشت المشاكل اخوي ما قصر في زوجي كتب كتاب للوزير ان هو ما كان يحضر وان هو يبي يبري ذمته وطبعا من كان يحضره زوجي مسكين كان يحضره مساعده له لان هو اللي طلب هذا الشي وزوجي كان يفكر في زوجته واولده اللي ما يسال عنهم كلش وامخليهم في بيت اهلها المهم زوجي غلط وتحسف واكتشف ان اخوي فجأه يتغير ويصير واحد مدين اكثر من اللازم واكثر من مره وهقه

تقاضينا عن الموضوع وسامحنا المهم يوم سافر زوجي للحج للاسف الشديد حط اخوي مكانه ياللاسف عفس كل شغله وطلع في زوجي قصور وانه يسوي شغلات حرام وهي والله مش حرام يتهيا له وتهاوش مع الموظفين ويبي يفنش واحد مصري علشان مش عاجبه في الشغل وخرب علاقات زوجي مع الموظفين

واللي يضايق اكثر انه اليوم راح للمدير وقال عن زوجي شغلات وان الشغل مش ماشي كويس وطلع نفسه الصح ومن هالكلام اللي خلى زوجي ينصدم

والله حالته حاله يقول انا سويت فيه خير وهو طعني والله ما خلاني اسوى شي ولا كاني انا مسئوله وانا اللي ما قصرت معاه وسامحته كذا مره والله كله علشانه نسيبي بس هو ليش سوا فيني جذي

المشكله زوجي ما يعرف اخوي زين مثلي الله يهداه ضرنا اكثير وضر حتى ابوي وامي وانا ابي استر عليه وما ابيه اتكلم عليه قدام زوجي

المهم خواتي انا زوجي كاسر خاطري متوتر حده ومتضايق حتى ما تغدا من الصدمه وانا والله خايفه اتصير مشاكل اكبر من كذا:44:

انصحوني ايش اعمل واللي تقرا موضوعي على الاقل تدعي ان المشاكل تنحل واخوي ينقل لوزارة ثانية