احترت بين زوجي واهلي والدراسه والوظيفه

السﻻم عليكم ورحمة الله وبركاته
بدخل بالموضوع على طول
يابنات انا منةوانا صغيره طموحي اكمل دراسه واتوظف
وابوي ماقصر كان واقف معاي وكان يدوام بي لثانويه بعيد عن المدرسه الي يدرسون خواتي تقريبا اكثر من 25 كيلو وصابر وهو شايب وسيارة منتهيه كل يوم يصلحها عشان اكمل تعليمي
المهم
بعد ماخلصت الثانوي قدمت وماقبلوني والسنه الي بعدها قدمت وقبلوني بتخصص رياضيات وانا ما احب هالتخصص ومو شاطره فيه وبذيك الفتره تزوجت
وزوجي مو مقتنع ويبيني اتركها بس برضاي بدون ما يجبرني ويعطيني مبررات مو مقنعه مدري ليش
برضو كان فيه من يعبي راسه من الشباب واهله
المهم وكنا بمشاكل
وخﻻص دايم متضايقه وكنت احس بتعب وبضيق وحيره وقررت اني اتركها عشان اوﻻ عشان افتك من المشاكل ثانيا قلت يمكن خيره بعدها يقتنع زوجي واتوظف بعد مايتخرج هو
ﻻنه كان يدرس ثاني سنه كليه
وكلمت ابوي وزعل وامي تدخلت وهدت الوضع وقالت انها تتعب وتتضايق من الكليه
طبعا اهلي ماعلمتوهم انه رافض قلت ﻻدخلت الكليه اتضايق ومو مرتاحه للقسم ومعا اني ماداومت وﻻ يوم
وتركتها وامي كانت حاطه فبالها انه من زوجي سبحان الله حست ﻻن كﻻمي مو مقنع
وكل مره ﻻتكلمو بدراسه تدقني بالكﻻم اني تركتها عشان زوجي
وانا طول 3سنوات كل فتره اكلم زوجي عشان يقتنع والسنه هذي بيتخرج ويوم هو قالي يمكن ﻻتخرجت وتوظفت اخليك تكملين دراستك
وفرحت مره ﻻن بكمل بدون مشاكل وكذا
والاسبوع الي فات جتني وظيفه كلمني عنها اخوي
سكرتيره المديره بجمعيه خيريه
وزوجي يشتغل منسق بين قسمنا النسائي وبين قسم الرجال يكون صله بيني انا والاداره
وبراتب انا 1500 وزوجي 1500
المهم خواتي فرحو وامي مو مقتنعه
وانا فرحت مو عشان الراتب بس فرحت ﻻن القسم تبع التنميه الاسريه وتبع الحاﻻت الاجتماعيه
وانا احب هالشغلات وغير كذا مفكره اكمل دراسه واطور من نفسي
وزوجي وافق واعجبته الوظيف وقلت ﻻتخرجت وتوظفت بوظيفه حلوه بكمل دراسه وقالي خﻻص
وكنت متخوفه من اهله يدخلون ويغير رايه
ﻻن سبق وجتلي وظيفتين فدار تحفيظ وعمي كان يرفض بحجة انه مو مقصر معانا عشان اتوظف بوظيفه مرتبها 500
وتركتها معا اني كان نفسي ادرس
بس عجبني موقف زوجي هالمره ما استشارهم ﻻ قالهم انا خﻻص بنتوظف وكذا
المهم امي ماتبيني اتوظف
لمحت لي ان يمكن عمي يرفض قلت عمي ماقال شي وزوجي ما استشارهم بس علمهم بقرارنا
والليله تكلمت معا اختي الي كانت فرحانه للوظيف وتغير كﻻمها


تقولي سراحه حلو الوظيفه ومن ناحيه مو حلو تشلين بنتك يوميا وتداومين و يمكن ﻻتوظف زوجك بعد التخرج غير هذي الوظيف يعتمد عليك وﻻ يمكن ﻻتوظف يسير كل شي ﻻهله وانتي يتعود انك معتمده على نفسك واذا تكلمتي بيقلك اهلي ماقصرو معانا وانتي يقصر معاك
احس حيرني كﻻمها معا اني ﻻاستقر بوظيفه بتركها وبكمل دراسه
اخاف يسويها ويقلب علي وانا وقفت معاه طول هالفتره
واختي الثانيه قالتلي امي تقول مابتخليك تشتغلين
صح اني غلط من البدايه تركت الدراسه عشانه تنازلت عن حق من حقوقي
بس لما فكرت اسوي هالشي بالقوه بنظل بمشاكل مالها تالي
وثاني شي مدري بس ابوي شوي يحب الفلوس يعني يمكن لو درست على طول تحكم براتبي
ﻻن قبل كنت استلم راتب من الثانوي وكان ياخذ منه الجزء الاكبر ولو عطيته اقل رماه بوجهي وعصب علي
قسم احترت مدري وش اسوي
والله انا سرت ما اظمن ﻻ زوجي وﻻ اهلي لو قدر الله وتفارقنا اناو وزوجي سواء بطﻻق او زعل او موت بعيد الشر راح اعاني
اختي جلست زعﻻنه 6 شهو والله سار ابو فالاشهر الاخيره يمن عليها بالفلوس واخواني طفشو من الروحه والجيه ومعد فيه احترام لها مثل قبل
وزوجي ما اظمنه يمكن بعد سنين يشوف حاله ويتركني


الوظيفه دوامها من 5 العصر الى 8 بالليل
ودوام 4 ايام بالاسبوع وعادي اخذ بنتي معاي
وش رايكم