احترت في امر الخدامات اللي يجووا بيتي

السلام عليكم
بنات انا محتااااااااااااااارررررررره بعنف.
من كتر التفكير حاتجنن. الخدامات مايعمروا عندي نفسي افهم لييييييييش.
اتزوجت من خمسه سنين وفي خمس سنين جبت اربعه خدامات
الاولى ممتازه وقعدت عندي سنتين وسافرت ورجعت مخطوبه وسوتلي فيلم من اول ماجات بشهر وقالت ابويا مات وقالت ابغى اسافر وجلستها حوالي سبعه شهور وسافرت وسواق اهلي قال هي راحت تتزوج ابوها مامات

بعدها جاتني وحده وجلست شهرين عايشه في الحمام تجلس بالساعات في الحمام شكيت فيها وخفت على بنتبي واضطريت ارجعها
جاتني بعدها وحده اول ماجات كويسه بعد كدا صوت عالي وصراخ وقلة ادب وماتحترم احد وتسوي اللي في راسها وتطنشك جابتلي الضغط وسافرت

دحين اللي عندي جات بيت اهلي من تلاته شهور وماعمرها قالت ابغى اتكلم تلفون عندهم. انا جاتني من اسبوعين و اول يوم جات قالت ابغى اتكلم تلفون وخليتها تتكلم وقلتلها تبغي بعد كدا اشتري بطاقه وكلمي وصاروا اهلها مستلمينا كل شوي يدقوا على جوال زوجي الين زوجي تعب وغير رقمه وكانت في بيت اهلي تشتغل وتكرف وزي الالف ماشيه امس اتصلت علي وانا في الدوام وتصرخ وتبكي انا طحت في الحمام قالت دم كتير. اتصلت على زوجي يروح البيت يشوفها قالي يدها توجعها وقالتله علطول ابغى اروح المكتب ماابغى شغل زوجي ماقلي الكلام دا قلها دحين اجلسي واداها مسكن وقالها شوي اوديكي المستشفى. المهم بعد الدوام وديناها المستشفى وسوينا اشعه وطلع شعر بسيط وجبسوا يدها وقالوا اسبوعين ونشوفها المهم رجعنا البيت الساعه تسعه هدا واحنا من الصباح بره. وراحت نامت وانا نظفت المطبخ اللي من اليوم اللي قبله وسخ بس اليوم صحيت لقيتها لابسه عبايتها وجالسه اقولها ليش لابسه تقول ابغى اروح فين اقولها. تقول اروح مكتب. لسه ماكملت اسبوعين تقول لمن يدي تصير كويس ارجع فهمتها من هنا من هنا يهديكي يرضيكي مافي فايده. رحت الدوام وطنشتها. كلمت ماما في التليفون وامي قالتلها صلي واستغفري وافطري وريحي
وانا لا طلبتها تشتغل ولاشي.
رجعت من الدوام لقيتها في الحمام دقيت عليها قالت نعم سبتها وجلست بعدها بساعتين دقيت عليها وقلتلها يلا اطلعي اتغدي خلاص من متى وانتي في الحمام ولا طلعت شوفوها في الحمام وانا خلاص حاطنشها تعبت من الخدامات والغريب كل وحده تجيني اول ماتزعل ولاتبغى تسافر تحبس نفسها في الحمام. قبلها وحده قعدتلي في الحمام اربعه ساعات

والله اني اعاملها من احسن مايكون وماقصرت عليها بشي وانا اطبخ وقايمه ببنتي على الرغم اني حامل بالتاسع وعندي دوام و مذاكره.
امي تقولي عشان بتسيبوهم فتره طويله في البيت لحالها لمن تكونوا في الدوام. :(:( طيب ايش المطلوب مني اسيب الدوام واجلس اسليها ولا اجلس ادق حنك معاها


ايش حكايه الخدامات معايا بيتي صغير وماعندنا داك الكرف زي بيت اهلي وسايبتهم على راحتهم ولا اصرخ فيهم ولا اكرفهم زي بيت اهلي. ومعاملتي كويسه. ويناموا حوالي التسع الى عشر ساعات يوميا . ليش الخدامات يجوا يسوولي الفيلم دا كل مره. وايش حكاية حبستهم لنفسهم في الحمام. ؟؟؟؟؟