احترت في تعاملي معها مدري شسوي

انا موظفة جديده من 4 شهور بس ومعي وحده جديده بعد .. هي متزوجه وانا لسى ,, علما ان عمري 23 توي
للأسف ماعرفت افهمها اسلوبها غريب ..
اول الايام كانت توضح لي بخلها وتحسب لي كل شيء اكله واشربه وتتقعد لي فيه وانا اطنشها واقول لها عادي كل واحد حر بفلوسه
ع سبيل المثال تقول لي لا تشترين مويه من تحت بريالين يعني كل اسبوع 10 ريال اشربي من البراده الي بالسيب ارخص لك ..
وايضا بـ اكلي وقهوتي و كل شيء تحسب لي كم ادفع وكم اصرف وانا مطنشتها ..
واتعامل معها بالحسنى
حتى احيانا اذا جبت لي قهوة اجيب لها معي او اصلح قهوة وحلى بالبيت واجيبهم معي
, لو شريت اكل او غدا اسألها واجيب لها احيانا ما ابخل او امن عليها بشيء


قبل اسبوع قامت تتكلم مع وحده من الموظفات الفلبينيات عني تقول لها يلا بنزوجها من تقترحين ؟
وتتكلم عن مديري وعن موظفين القسم تقترحهم قدامي ..
" دوامنا مختلط بس مكتبي انا وياها لحالنا معزول " وانا وياها السعوديات الوحيدات بالقسم ..
المهم انها قامت تتكلم مع الفلبينية تقول لها خل نزوج فلانة "تقصدني" من فلان ولا علان احسن ولا ذاك ما تزوج وذيك تضحك تقول انا بقول لهم ..
انا خفت الفلبينية الخبلة تقول لهم قمت هاوشتها شوي وجيت ارد عليها قلت لها ليه اخذ فلان و علان وراه ما اخذ زوجك احسن ؟ دامك مره تبين تزوجيني وتحسيني قاعده ع قلبك .
قامت عصبت وجلست تصرخ ولفت ع القبلة قالت وين القبلة ؟ قولي اميييييييييييين جعلك تعنسين ميه سنه قدام وتموتين ولا تلقين لك رجل ياخذك واشوفك عانس كبر امي محد اخذك جالسه ببيت اهلك
وقامت تدعي علي
طنشتها , هالكلام كان الخميس .. تناسيتها وما علي منها واثقه اني ما غلطت وانها هي الي بدت وتستاهل .
نسيت الموضوع , يوم السبت حطيت حالتي بالواتس " ما خسرت بحياتي الا الرخيص" وانا وربي شاهد لا اقصدها ولا شيء ما دريت عنها وناسيه موضوعها ..
جا يوم الاحد ادخل المكتب سلمت ما ردت ..
شوي اشوف جوالي والتحديثات الا مغيره حالتها انتبهت لها بالصدفة كاتبه تمنى الخير للناس واحسن نيتك ...
عدا الاسبوع كامل وانا والله كل مادخلت المكتب سلمت ما ترد السلام ولا شيء ولا كلمتها وهذا الاسبوع الثاني والاحظها كل شوي مغيره حالتها كاتبه شيء جديد


رايكم اطنشها بقلعتها ولا اكلمها .. ؟