احترت في حالتي الخطأ مني او من الناس...

السلام عليكم ورحمة الله وبركاته
انا استخدم معرف هناي اسأل الله يفرج همها وبقول لكم مشكلتي 
انا يابنات احس كل اللي حولي يكرهوني او تعمدون ايذائي
بحكي لكم مواقف وانتم احكموا 
دعواتكم لي
خواتي مدري ليش يحبون يشوفوني مقهورة اخرها امس بالليل انا مصابة بالاكزيما وتتهيج علي احيانا واتعب منها واللي مصابين بهالمرض يعرفون المعاناة امس بالليل تقول انتي تبالغين لما تتألمين قلت لاتقولين هالكلام وانتي ماتحسين 
مرة جاتها حساسية قالت جاتني عدوى منك ومعروف ان الاكزيما ماتعدي
مرة طحت وجاني التواء برجلي وكنت اتالم بشده قالت انتي تبالغين
والله من قهري دعيت عليها بالثلث الاخير من الليل
صديقاتي تغيروا فجأة اذا تكلمت مع وحده منهم تصرفني مع اني والله احترمهم ومااغلط عليهم واذا عند وحده مشكله جات تشكي لي والله اسمع لها ومااردها وهم مدري ايش فيهم
اخوي اللي وقفت معه فأزمات وكنت افضله على نفسي يشهد الله يجعلها خالصة لوجهه الكريم 
فجأة بدون مقدمات زعل مني لان طلبته مبلغ تسلفه مني وانا محتاجته طيب هذا حق مافيها زعل يتكلم مع اخواتي وانا يطنشني ولاكاني موجودة 
انا ابي اعرف سبب كرههم لي وايش السبب اللي ينفر الناس مني 
بديت الاحظ هالنفور من بعد  ماالتزمت وتبت عن معاصي كثير 
الله يثبتني 
ابي حل يابنات ريحوا قلبي الله يريح بالكم ووعد ادعي لكم بقيام الليل