احترت مع اهل زوجي الله يهديهم

السلام عليكم ..


صبايا انا طفشت من زوجي واهل زوجي الله يهديهم لا احساس ولا يراعون




حنا بمدينه واهل زوجي بقريه بعيدين يبيلهم 3 ساعات نوصل لهم


المشكله .. ان اي شخص يحتاج منهم علطول زوجي شغل السياره وسافر لهم
ويتصل علي بالطريق انا رايح لهم


علما عنده اخو ساكن بالديره بس مدلعينه




طبعا احيان البيت يكون فاضي مافيه اكل
ويمكن 3 مرات امرض لدرجة ما اقدر امشي ولا احد حولي يشوف حالي ابي شربة مويه ما الاقي حد يعطيني 😢 اصبر لين يجي



ومره من المرات مرضت واخته مرضت راحت امه تقول تعال ود اختك المستشفى
قال زوجتي زيها طايحه عالفراش بوديها
قالت تعال لاختك وزوجتك اهلها يودونها
فعلا راح وتركني ..وجلست اعاني لوحدي قسم بالله موووت تعبت


مشكلتي .. كنت اقول روح ذولا اهلك
امك وابوك برهم واجب


وعمله استلامات .. وعمه عنده محل زوجي راح توظف عنده فترة الصبحيات ...
فتلاقونه يستلم ..
ويرجع ينام ... وبالصباح للمحل
وينكرف مره
واهله صاروا يعصبون اذا ماجا
ويدعون عليه ..


وهو صار على قولتهم اذا احتاجوا اهله من بين اخوانه يروح بدون مايفكر




انا قسم بالله اساعده على برهم
بس مو لدرجة انه يهمل البيت ويهملني ..


اخاف تكبر السالفه اكثر


شالحل صبايا ....


علما علاقتي في اهله الحمدلله كويسه وانا انسانه مسالمه حتى لو حصل منهم خطا
ابلعها وانساها علشان احافظ على العلاقه