احترق وجهي في المركز الاستشاري

:44:حسبي الله ونعم الوكيل ..
انا جايه اكتب لكم اللي حصل لي مع المركز التشويهي وليس التجميلي المركز الاستشاري في الرياض
والله على ما اقول شهيد ,,
انا يا بنات لي قرابة السنه معهم اسوي ليزر وصلحت تقريبا كل جسمي ,, النتيجه لا باس بها ما عدا منطقة الابط صار اسود اعتقد احترق ويبيله وقت يرجع للونه الطبيعي ..


اللي حص يا بنات اني قريت بنشره عندهم جهاز للمسامات ورحت سأإلت الدكتوره اللي ما عندها ذمه ولا ضمير حسبي الله عليها قالت لي تحتاجين منطقة الانف وانا ما صدقت خبر مع العلم اني ما اشكي ابد من شي بس نقط سود صغيره مره :44:
المهم سويت الجلسه الاولى واحترق جزء من انفي من فوق قالت لي طبيعي ويروح وانا ما ركزت بعد اسبوعين الجلسه الثانيه رحت لها وحرصتها انها تخفف الحراره سوت لي حسيت ان نااااااااااااااااااااااااااار بخشمي والله يا بنات حسيت بالحرق بس قلت يمكن البنج خف علشان كذا حسيت بالام .. :44:

رحت البيت انقلب خشمي الى اسود :icon33:

قلت اكيد طبيعي وكنت احس بألم فظيع براسي وعيوني اااااااااااااااااااه بس

المهم نمت وقمت احس رطوبه على خشمي فتحت النور انصدمت :icon33:

لقيت خشمي كله حروق وصديد اصفر ومسلخ طالع الجلد الوردي من داخل وجزء فيه مويه ومنتفخ ..
بغيت انهبل
اتصلت عليهم قلت ابي اكلم الدكتوره ضروري قالوا انتهى دوامها ولازم موعد عصبت قلت وجهي تشوه تقولين موعد قالت خلاص اقرب موعد 6 ونص وهي دوامها 5
حطيت ميبو وجلست استنى حضرة جنابها واول ما جا زوجي انصدم وعصب رحت لهم معصبه قلت ابي ادخل عند الدكتوره قالت فيه موعد ؟؟
قلت اقول دخلوني بسرعه يوم شافتني معصبه جابت الملف بسرعه ودخلتني
طبعا اول ما دخلت تقول لي ايه حصل لك ايه ؟؟ قلت حرقتي خشمي :mad:

قالت غريبه المهم هي ارتبكت بان عليها كتبت لي مضاد حيوي شراب ومضاد فيسودين وكريم للحروق نوعين !!
وبكل برود تقول ابقي طمنيني ..
حسبي الله ونعم الوكيل ..

المهم اقول لها انا ارضع عادي اخذ هذا المضاد قالت لي اتوقع عادي لانه امن وحتى الاطفال يستخدمونه !!
بس انتي اسألي دكتورتك النساء !!!!!
بالله عليكم هذا كلام دكتوره فاهمه ؟؟


انا طلعت منقهره ورحت للصيدلي ابي اخذ الادويه قال لي المضاد ما ينفع للرضاعه ابدا !! طلع الصيدلي افهم منها ..


انا ركبت السياره ورحت الحبيب عند استشاري جلدي ..

يوم شافني عصب وقال شلون تسوي لك ليزر مسامات وانتي ما تحتاجينها من اصل ؟؟!!!

وشاف الحروق وقال للأسف انها مو سطحيه وراح تاخذ وقت على بال ما تشفي ويمكن الاثر ما يروح بسهوله :44:

وغير لي ادويتها التعبانه ..



هنا زوجي ما تحمل راح للمدير حقهم ((المركز الاستشاري )) ومسح فيهم البلاط واستدعوا الدكتوره وبكل وقاحه تقول مو غلطتي ؟؟
اجل غلطة مين ..





ما اقول الا انهم لقوا ناس يسحبون منهم فلوس ومصدقينهم ..




ادعوا لي يا بنات ان ربي يشفيني ويروح الاثر والله احس بصداع غير طبيعي وتحت عيني اسود على موف كأني مضروبه وخشمي مشدوووووود وشكله قبيح .. اااااااااااااااه بس تشوووووووهت :44: