مساء الورد بنات

حاولت اطبق كل شي قلتوه وارسلت البنات يوم الخميس عند امهم وابوهم كلم البنت الكبيره وقالها اجلسوا الى يوم السبت عند جدتكم واخذ اجازه كنت مخططه اخرج فيها معاه المهم اللي صار انه اليوم الساعه ٢ رجعوا البنات وقالو ماما تقول مشغوله وزوجي يقول ماعليك منها عادي ننزل ونروح مكان ماتبغي والبنات ناخذهم معانا

يعني بالله بخرج معاك بمارس حق من حقوقي مايجيني الا من سنه لسنه اخرج البنات معاي فين حقي هنا يعني حتى في خرجتي يكونون موجودوين مايكفي بداية زواجي اول خرجها خرجتها معاه البنات معانا لا وهم اختارو المكان

بالله ايش اسوي اليوم اجازته بس والبنات موجودات اني اطلع واتمشى واخليهم احسها قلة حياء مني واني اخرج واطنشهم بتحز في خاطر زوجي لانهم بيجلسون يبكون ويدلعون بنروح معاك يابابا

وماعندي الا اليوم ياينزلون معاي ياجلس في البيت واترك الخرجه كلها واموت قهر

لاحد يجي يقول حرام مشيهم لانهم في اجازات المدارس الاطفال يتمشون اربع خمس مرات هم اخرجهم انا فوق عشر مرات اخلي ابوهم ينزلنا في مول واخليهم يلعبون واذا خلص من دوامه يمرنا

لكن نفسي اليوم اخرج معاه مطعم اتمشى معاه لوحدنا


يارب ارحمني وحلها من عندك

طيب تعرفي عشان تعيشي سعيدة ارضي بواقعك يا اختي هذا واقعك انت زوجة لرجل عنه ابناء لازم يا اختي تبرمجي نفسك ، ترضي بقدرك
و بعدين و الله زوجي و ازواج كثيرين لما انيم اولادي عشان انفرد بيه يروح يصحيهم مرة بحياتي سويتها ارسلت اولادي لبيت اهلي لليوم يقولي فضيحة اللي سويتيها و الله يا اختي ما ضاع عليك اشياء كثيرة بالعكس يمكن انت تحصي في الاجور و الله الان بعد فترة من زواجي اضجك على نفسي و اقول ليه كنت حريصة انو اكون انا و زوجي لحالنا يمكن متاثرة بالافلام و الله سفرني لحالنا نفس الشى مافي فرق يعني ما تتخيلي انو الطلعة بتكون غير و انه بيمسك ايدك و يقولك بحبك يا حبيبتي هاي في الافلام بس

كم أعمار البنات؟!
اذا مايزعجك هالسؤال

ياختي الله يعينج

هذي مو الام صراحه ماتشتاق لبناتها عيزانه تمسكهم كم يوم


زين شرايج تجيب خدامه وتخليهم مع ام زوجج وقت ماتبين تطلعين


ويكونون برعايه ام زوجج

اعمار البنات ١٣ و١٠