احتسبوا الأجر افزعوا لها ربي يسعدكم بمشكلتها...قصة طويلة و مؤلمة

السلام عليكم ورحمة الله وبركاته
بنات القصة طويلة وتفاصيل كثيرة
طالبينكم استشارة احتسبوا الأجر بالردود نبي نطلع لها حل
عندي قريبة من جهة الوالدة الله يحفظها عندها مشكلة وطالبة فزعتكم
هم عبارة عن عائلة والدهم متوفي رحمة الله عليه من أكثر من عشر سنوات
والدتهم ربي يحفظها موجودة
و هم بنات كثير وولد واحد بالعشرينات
البنات بعضهم متزوج والبعض كبر بالسن و ماتزوج
المتزوجات منهم موظفات حكومي
ومنهم ربات بيت بسيطات على قد حالهم
الولد ما كمل دراسته وتوظف وظيفة بسيطة براتب ثلاث الالاف و مو قادر يتزوج
ابوهم ترك لهم بيت وراتب تقاعدي بسيط جدا يدوب مصاريف واحيانا مايكفي
البيت كانوا ساكنين فيه وهذا البيت صار نوعا ما قديم
طلعوا حي جديد و أجروا شقة صغيرة جدا
و أجروا البيت يستفيدون منه بالمصاريف يساعدهم في حياتهم الصعبة المهم قالوا هالبيت نستفيد منه واذا مرة ضاقت الظروف نلقى بيتنا القديم يضفنا ويستر الله علينا فيه المهم اختهم الكبيرة كانت زينة و طيبة معاهم متزوجة و مدرسة حكومية من أكثر من عشر سنوات
و شارية بيت تقريبا ٨٠٠ متر دور و بنت فوقه ثلاث شقق لكن ما اكتملت للحين
شرت البيت تضامن مع زوجها ولكن بطريقة ما بعد مداولات سجلت البيت الجديد بإسمها هي
بمعنى هي مالكة البيت والبيت حلالها وزوجها موظف عسكري على رأس العمل يعني البيت حقهم فيه راتبين حكوميين ماشاء الله اللهم بارك لهم
طيب المشكلة بعد كل هذا
البنت هذي الظاهر والله أعلم عشان مانظلمها كبروا عيالها وكبرت مصاريفهم قامت تلمح لأمها حسب كلام الأم انها تبغي يبيعون البيت و تبغى نصيبها من الميراث؟؟؟؟!!!!
علما ان لخواتها فضل بعد الله عز وجل في توظيفها بطريقة ما يطول شرحها
و هي قالت لأمها بعدما توظفت انا متنازلة لخواتي عن نصيبي في الميراث لان ماعندهم دخل وانا توظفت حكومي ومكتفية
و الان بعد هالسنين تبغى يبيعون البيت وهي تعرف ان في بعض خواتها كبروا في السن وماتزوجوا ومالهم مكان يروحون له في حال الضرورة ؟!!!!
وان بعض خواتها متزوج و غير مستقر بحياته
مع أزواجهم و غير موظفات و مايبغون يخسرون مكان يروحون له
الي يظل اسمه بيت ابوهم
بنات تسألهم هي قريبتي وصديقتي هذي يحق لها تدعي على أختها الكبيرة هذي ولا لا ؟؟؟
والبنت الكبيرة هذي ظالمتهم ولا لا ؟؟؟
علما انها مثل ماقلت لكم عندها بيتها ملك وتسدد فيه من راتبها
و أيضا دايما تلمح لخواتها في جمعاتهم انها مديونة ومحتاجة ووووو بمعنى لا أحد يطلب مني سلف يمكن كذا قصدها
و دايما تتشكى ان ماعندها فلوس
كأنها تلمح لا أحد منكم يحط عينه على راتبي ولا احد يطلب مني سلف
ووحدة من خواتها سبق وتطلقت تقول ماقد اعطتني ريال واحد وانا بعز الحاجة فراحت توظفت وظيفة بسيطة جدا جدا وهي جامعية وما ذلت نفسها لأحد
أسألكم بالله تساعدونها
هي عايشة في هم مايعلمه إلا الله
من الصدمة
تقول بيت ابوي الي ساترنا بعد الله
كيف نبيعه ؟ وين نروح عند الحاجة ؟ واحنا ساكنين ايجار ومن وين نصرف ؟
ولو بعناه اساسا ماراح يجيب شي البيت قديم نوعا ما
فهو فقط فايدته ساترنا بفضل الله تبارك وتعالى
وهي لو بعناه ماراح يطلع لها ذاك النصيب الكبير
السؤال هل إذا دعت على اختها تكون ظالمة لها ؟؟؟؟؟؟
طيب الأخت هذي كيف مافكرت بخواتها الفقيرات الي بدون وظايف ولا زواج ؟؟؟؟؟ وين يروحون في الضرورة
طيب هذي الأخت فكرت انها تاخذ كم ريال من البيت عشان مصاريف عيالها الي كبروا مافكرت بستر خواتها ؟؟؟
طيب يابنات ايش رأيكم بهذه الأخت الكبيرة هل هي ظالمة ولا حقها تطلب بيع البيت حتى لو تشردوا خواتها في بيوت الإيجار او عانوا في السداد للايجار
هل هي ظالمة ولا لا ؟؟؟؟؟؟؟؟؟
نريد إجابة شرعا اولا ثم عرفا و اخلاقيا
وجزاكم الله خير
و راح انسخ لها ردودكم
تراها محتارة وانا مااعطيتها جواب لسؤالها الصعب ماعرفت ايش اقولها ؟؟؟؟؟ قلبي عورني يابنات عليها وحالتها النفسية متأزمة و تحس بصدمة💔