احتقر نفسي يا بنات ونفسي افضفض

السلام عليكم ورحمه الله وبركاته

مشكلتي مشكله انا فيها الظالمه وانا المظلومه. خلوني اقول لكم عن نفسي اول شي بما ان هذي اول مشاركه لي انا من زمان متابعه المنتدى لكن عملت معرف خاص لهذا الموضوع و ما راح استخدمه الا بهذا الموضوع بعدين انساه لان انتوا اكيد راح تحتقرون مثل ما احتقر نفسي ولا راح تردون علي بمواضيعي الجايه. انا بنت عمري 29 او 30 معاد احب احسب ولسه ما تزوجت. الحمد لله ما احس بالنقص اني ما اتزوجت واخواتي اللي اكبر واللي اصغر مني متزوجات واولادهم بالمدارس واحب كثير كانهم عيالي واكثر. و انا قاعده ادور لاخواني اللي اصغر مني ب 5 و6 سنوات عرايس عشان افرح فيهم والحمد لله مقتنعه تماما ان الزواج قسمه ونصيب واللي الله كاتبه راح يير ولله الحمد ربي موفقني بدراستي واهلي ناس طيبين الله يقدرني ببرهم. صحيح اني اسمع كلام نادر يضايق من امي واخواتي كوني ما اتزوجت لكني عارفه ان قلوبهم طيبه واللي يقولونه كلام من باب السوالف او المزح وانا عمري ما بينت اني متضايقه من كلامهم ويمكن يكون اللي يقولونه عادي بس اللي في مثل عمري واولاد خواتها اللي اصغر منها يلعبون حولها راح تصير حساسه فس مثل هذي المواضيع

ما علينا انا الحمد لله مرتاحه و مؤمنه ان الله راح يرزقني خير وان الزواج قسمه ونصيب

مشكلتي اللي الله يفكني منها والله اني اخجل من منفسي بسببها اني صرت مدمنه العاده السريه . شفتوا حقارتي. بعد كل مره اجلس اسب نفسي وادعي لنفسي وعليها احيانا و لكن ترجع حليمه لعادتها القديمه كل مره و بسبب هذا الشي صرت فاقده الثقه في نفسي و اخجل من ربي حتى صلاتي اتهاونت فيها و صرت مره بعيده عن الله من انه سبحانه كريم حليم بي موفقني في دراستي و الناس حولي يحبوني... يارب يا حنان يا منان الطف بحالي.
من جد احس اني منافقه و اكره نفسي قدام الناس باينه البنت المحترمه الملتزمه و في السرير لا حول ولا قوه الا بالله
ما اعرف كيف صارت تجيني وساوس اني بي مس او عين وانا اعرف اني سليمه لكن جالسه ادور لنفسي اعذار اهون فيها على نفسي. صح يا بنات مو مقعول قبل سنه كنت ابدا في حفظ كتاب الله و صلاه ليل الان عاده سريه وحتى الفروض ما اصليها .. رحمتك يارب
انا حاولت كثير اني ابطل بعدت عن كل المغريات لا تلفزيون ولا مجلات ولا خلافه لكن تجي فترات خلال الشهر اكون في قمه الثوره وانتوا تعرفون هذا السن و اللي قاعده اتكلم عنه
من فتره قرات موضوع لاحد الاخوات اذا كنت خر عندي الحل. انا ما اعرف ايش يعني خربانه بس من وصفها ان الرحم يطلع اصوات بالاضافه للرطوبه و هواء داخل الرحم انا احس كل هذي الاشياء فيني وانا لسه بنت .. لطفك يارب . اللهم ان لم تلطف بي وترحمني لاكون من الخاسرين

انا اعرف ان ما بيدكم الحل لمشكلتي لكن كان ودي اففض ويمكن دعاء اخت صالحه بظهر الغيب يفرج همي و يبدل من امري