احتووني بكل ود وساعدوني💔

شغل البيت ما يخلص
اعمليلك جدول وامشي عليه
ويا أختي علمي عيالك يعتمدون على نفسهم ويساعدونك شوي
عندي ولد عمره ٥ أعوام (ربي يحفظه وعيال القارئين يارب) مستحيل أعدّي إذا شفته رمى ع الأرض وأخليت يساعد أخواته بس بشكل ممتع
أول أمس ساعدني بتنظيف الموكيت وكأنه نلعب
امشي ع الجدول بحيث آخر شغلة تسويها تغسيل مواعين الغدا فقط وباقي اليوم لك ( ماسك ، قراءة، شاور طويل، تتسلي مع عيالك أو مع زوجك)
بس بالبداية سوي اجتماع عاجل لعيالك وخبريهم إن البيت انا كلنا وأنا ما أخدم أحد، وخبريهم اللي يوسخ هو اللي بينظف، ولكل شخص مهام يؤديها
البداية صعبة بس لا تستسلمي بسهولة وبعد فترة بترتاحي
صدقيني أمس أخذته راحة وسلمت البيت للبنات وطلعت الساعة ٨ص ورجعت ٤ العصر
بعد فترة بتقدري تعملي هالحركة 😊

خلي اللي يعفس البيت يرتب
ولا تخلينهم يسرحون ويمرحون بكل الغرف قفليهم
خلي لهم حمام وغرفه وحده
وجيبي مكنسة ريبوت تنباع في المواقع مكنسه ترحيك هي تكنس الغرفه
بعد الترتيب
واذا عيالك اعمارهم ٨ سنوات وفوق خليهم يغسلون حمامهم

فعلا شغل البيت مايخلص خصوصا مع العيال الله يصلحهم
اولا امشي وعينك مفتحه😂 اللي ياكل ذكريه اذا خلص يشيل صحنه ويغسله ليته يحطه في المجلا نعمه واللي يلعب يرجع العابه واللي يغير ملابسه سلة الغسيل وهكذا
واذا رتبتي البيت قبل ماتنامين ذكريهم قولي شوفوا البيت نظيف ومرتب اذا قمت وهو حوسة انتم اللي يتنظفونه واذا صحيتي حاسبيهم حتى يشوفونك عند كلمتك وصاملة
وقت الشغل يساعدونك استنفار للجميع .

البنات قالوا كل شيء
الغرف تقفل اللي ماتحتاجين
المطبخ خلاص تعشيتوا وبتنامين سكريه بالمفتاح
اذا يسهرون وتخافين يجوعون حطي ساندوتشات بعلبه اللي بجوع ياكل او فاكهه بصحن
ماء برا وبس
غرف النوم اللي يقوم يرتبها لو صغار من ٤ سنوات يعرف يشيل ويحط وكذا
الكراكيب العاب ملابس زايده صرفيه تصدقي فيهم
الاثاث اذا كثير بعد خففي منه
الحمام واحد وبس

مابغي ازيد ع كلام البنات لأنه ماشاء الله جميل
بس إذا انتي تصحين من النوم متأخرة حاولي تنظمي يومك وتصحين الصباح عشان يكون لك مساحة ووقت لنفسك .