احتياجاتك لشنطه الولاده

احتياجاتك لشنطه المستشفى وقت الولاده
يارب تفيدكم
اولا:كيس للطعام
ثانيا:كيس لنظافه البيبي
ثالثا:كيس لنظافه الام
رابعا:كيس يكون داخل شنطه يدك
خامسا:احتياج الام والطفل يوضع بالشنطه الكبيره بدون كيس
نجي للتفصيل .......
اولا:كيس الطعام
الأكل المفضل عندك لان أكل المستشفى يمكن مايعجبك ويمكن يتأخرون بعد الولاده عليك والجوع مو زين
بقول اللي اشوفه مناسب للأكل
تمر/ساندوش/عصير/مويه/علبه حليب بودره/ترمس حجم صغير/كوب وملعقه
................
ثانيا:كيس نظافه البيبي
فرشه شعر صغيره لان الطفل اللي ينولد بشعر يكون منكوش وقت الولاده لازم ترتيب
مقص اظافر لان اظافر الطفل طويله ويمكن تتأخرين بالخروج للبيت
فازلين للوجه أكيد بيكون وجه الطفل متقطع ومحتاج ترطيب
مناديل مرطبه تنظفين فيها وجه الطفل او مكان البامبرز اكرمكم الله . مره مهمه
بامبرز خذي كم حبه حديث الولاده يمكن يتأخرون عليك الممرضات اذا طلبتي منهم
...........
ثالثا:كيس نظافتك الشخصيه
فرشه اسنان ومعجون حجم صغيره/صابون جسم سائل حجم صغير/فوطه للشاور اكيد بعد الولاده تطلب منك الممرضه تدخلين الحمام تغسلين جسمك طبعا شعرك ماراح تغسلينه لانه نظيف الوسخ كله بجسمك اشتري صابون سايل فقط /فوط صحيه حجم كبير/مزيل عرق/مرطب شفايف/بكله او طوق للشعر


..............
رابعا: كيس في شنطه يدك
هذه اشياء يمكن تحتاجينها وقت الولاده وباقي الاغراض خليها في الشنطه الكبيره لبعد الولاده يجيبها زوجك او اهلك
الحلتيت لتعسر الولاده . المر لتعسر الولاده بسبب الشمم
اوراق الكشف/فوط صحيه افضلها لوتس الكبيره
البسيها قبل تروحين المستشفى يمكن تنزل عليك شوي مويه بالسياره او دم
شاحن جوالك و فيش كهرب يمكن فيش المستضفى يختلف عن شاحنك
مويه و كيك وعصير يمكن تتأخرين بالانتظار
..............
خامسا:احتياجتك واحتياجات الطفل حجمها كبير مو محتاجه اكياس ترتيب مثل اللي قبلها
بنادول او اي مسكن يناسبك للرأس/مسكن للبطن انا اشتري مااعتمد على الممرضه لانها تتأخر ويمكن نوعها مايناسبك/عبايه احتياط /شبشب ارضيه المستشفى بارده و صعب تمشين بالجزمه اللي كانت عليك وقت الدخول /ملابس مريحه لك اذا بترضعين الطفل تكون مفتوحه من الصدر/شراب/طقم كلوت داخلي قطن/ستيان رضاعه حبتين/
اذا فيه استقبال لبس للاستقبال واذا انتي من اللي يحس بالبرد اشتري روب للتدفئه
احتياجات الطفل
طقمين لبس مع القبعه مع الكوفله
مدس للخروج من المستشفى
.....
وبكذا انتهيت ودعواتكم لي وارفعوا الموضوع يستفيد غيركم