احجزي بنتك لولدي 👰

بسم الله الرحمن الرحيم
مسائكم خير وبركه 😊
في موضوع منتشر وباخذ رايكم فيه
لان صراحه الموضوع هذا يبغاله حل والمفروض ينقرض
سالفه احجزي بنتك لولدي والبنت مسكينه
توها صغيره مو داريه وين الله حاطها
تكبر وتسمع كيف تسمع مدري😂
انه فلان حاجزها وتبداء تفكر في الموضوع وتكبر وهو اللي في بالها
والام ماتقصر كل ماراحت هذي حجزتها لولدي وفي الاخير يخطبون وحده ثانيه
بعذر انه مايبغى من الاقارب او بدون عذر
طيب
طيب
والبنت اللي حجزتيها
وقطعتي رزقها كل العالم تحسبها لولدك
عمرها اللي راح وهي تنتظر السيد يخطب رسمي
مشاعرها اللي بعضهم تتعلق فيه
ليه كذا
كثير نسمع عن هذا الموضوع وكثير نشوف بنات تاخرو بسبب هذي الظاهره
عجبتك بنت وتبغينها لولدك لمحي لامها انها عاجبتك وتتمنينها لولدك بس لا اكثر
ولدك بكره بيكبر وبيصير عنده مواصفات
وتجين تقولين خلاص حجزنا لك فلانه
والبنت نفس الشيء تكبر وتتفاجاء بالشخص هذا ماعندها الا هو زوج المستقبل خلاص
تحطوهم عند الامر الواقع غلط كذا
نصيحه
لاتحجزين بنات الناس واخرتها تقطعين رزقها
وحتى لو كلمتي امها ان البنت عجبتك لا تقولين للناس هذي محجوزه لولدي
وانتي بنتك لا تربطينها باحد من يوم هي صغيره خلاص ولا العهد هذا وانتهى
وانا اعتبرها السبب في بعض المشاكل المتواجده
لانه لاهو مقتنع فيها ولا هي مقتنعه فيه طبعا في حالات توفقوا ومبسوطين لكن انا اتكلم عن الضرر الناتج من سالفه الحجز هذا
كل وحده تقول رايها في الموضوع المايك لكم 😊