*****احداث في الرابعة القديمه*****

:icon33: :( ***احداث في الرابعه القديمه***
طبعاكأي طفله كان اول يوم دراسي لي اقدراقول لكم مشاعري كانت شوي حزن و فرح طبعا اكيد مريول مدرسي وجزمه جديده وشريطه بيضاء وابه وشنطه دفاتر تشكيل (يعني الوان )وبأروح زي خواتي وبنات عمي وخالاتي
اكيد سعيده وبعدمتشققه من الفرحه وأول موقف صارلي بكيت بصراحه خوف فضيع من المدرسه احس اني مستحيل اكمل شعورعادي لطفله بأول يوم دراسي تصدقون احسبنا موب بالسعوديه من كثر( لحجيات)يعني عبدات
المدرسه موب كذا وبس اللي يخوف اكثر اجسامهم كبيره احسبهم حقين الضرب بالمدرسه مدري انهم طالبات وكل ماشوفهم افحط من الصياح وحده منهم كانت تجي مع سيارة البلديه احسبهم سارقينها اثر ابوهاعامل بلديه
معهم وتجي معه بعذري دايم يخوفونا منهم يعني صورة انهم يسرقون محفوره في عقولنا من صغرنا كرهت المدرسة في ذاك الوقت طبعابقولكم وبكل جرأه ليش تصدقون اسميها مدرسة الفشل وانعدام الضمير مدرسة الالم مدرسه
الحقدوالكراهيه و التفرق والعنصريه والنذاله بكل انوعلها مدرسه استخدمت معنا كل انواع الضرب والاحتقار شعارها الدائم انتي كسلانه انتي مافيك فايده انتي فاشله للاسف مدرسه مافيها بيئه صحيه للتعليم .........
وسائل التعذيب(مسطره طبعا وسيلة ضرب متحضر كف شوي الايجينا وجه من قوه اعواد خشب فيها مسامير طبعا مختاره من حوش المدرسه (ولاعاد ابله سارة) ماتمشي الا ومعاها خيزرانه تثبت تفوقها بالضرب تصدقون ما ناقصها
الاشهادة تفوق عاد لا يفوتكم دايم شطار المدرسه سوريات اومصريات اوقريبات المدرسات حتى الاذاعه كانت لهم .. في ذيك ا لفتره كان النشاط اسمه جمعيات حتى فيه يحطونا على كيفهم يعني مافيه خيارت قدامنا زي قريباتهم ...
ام ا لحفلات تكرمو وخلونا نشارك اكيد بتقولون غريبه طبعا غريبه خلونا نوزع عصير ومويه على الضيوف طبعا على بالهم شغالات والي ترفض ياويلها واذاكانت وحده موهوبه ترا هالموهبه مصيرها إلى الزوال والدفن ومافيه مجال
تقدمين موهبتك لانك كسلانه في نظرهم تحطيم لابعد الحدودومافيه مجال لنقاش ويلومونا ليش مافينا جرأه اي جرأه واي كلام فاضي وهم يهدمون مرحله البناء لدينا بطرقهم البدائية و لاعاد المديره الشريتطاير من عيونها
ماتمشي الاومعهامسطرة لتمارس هوايتها المفضله على اجسامنا الغضه طبعا اطفال مرحله ابتدائيه اكيد حركتهم كثير ومع اي صوت اوحركه سطاااااااع هذا اكيد صوت المسطره ياكثر دعينا انها تنكسر بزران لابعد حد لوتكسرت
يعني مافيه ضرب الايمكن تضرب كفوف يدها طويله على بنات خلق الله ولا دايم تنعتنا بالفشل واذاغابت يكون ذاك اليوم عيد صدقوني انا عن نفسي تقول ماسكني كهرت إذامرت ارتجف كنا في المربعانيه وحنا بعز الصيف
والمدرسات امحق مدرسات اجل قد شفتو مدرسه تكتب في الهواءلطالبات اول ابتدائي خليهم يقرون الواضح بعدين اكتبي اللي يعجبك تخيلواثري منيب سهله في اول واعرف انقد هذا وانا في المدرسه الزفت اجل لوني في مدرسه
محترمه .كانت عندنا حصة احتياط جتنا فوزيةمنيب قايله ابله لانها للأسف حسافه عليها كانت تقطع رسوماتنا وترميه بألارض تقول اصلا ماتعرفون ترسمون طيب وش دنبنا تحط حرتها فينا حسبي الله عليها(ولامدرسة الرياضيات
في ثاني ابتدائي على بالها مكتشفه طريقه جديده تختلف عن المسطره والكفوف تخيلوتمسك دمجة الطالبه وتكمخها في اقرب جدار ) ولادورات المياه اعزكم الله ماطلعنا لها الا عقب النكد وفيه بنات كانت توقفهم عند السبوره اذكر
(وحده من الخوف سوتها على نفسها) وتهزئها كنها مسويه جريمه سبحان الله حتى
ماعندهم ذره رحمه في صف ثالث حرمنا من الفسحه كم مره والسبه جدول الضرب والحسنه الوحيده اني مازلت احفظه عن ظهر قلب وإ ذمو مصدقين سمعته والعقاب الاشد يوقفون الطالبه بالشمس شفتو الشر بعد كانو يلصقون
على مريول الطالبه من ورا ورقه مكتوب فيها كسلانه وياخذون فيها لفه على جميع الفصول لاهانتها وتحطيمها ....فيه مره معلمه شجعت طالبه وحطت لها شريطه حمراء على المريول دليل الشطاره تدخل معلمه ثانيه وتسأل
وتجاوب طالبه ثانيه فأخذت الشريطه من طالبه لتكرم طالبه اخرى شفتو الحسد ماتبغها تفرح فيها وبعد زرعت الحقد والكره بين الطالبات
شوفو هذا نوع من التشجيع مثل (الشرايط احمر شطاره -اخضرأدب-ابيض نظافه) ويقلهم اللي يشجعون في ذاالمدرسه ....ومدرسة العلوم عادشوفو وش تقول اذ البنت نست كتاب او غلطت في الجواب تقلب اردنيه تخيلوتحسبنا
هنود مانفهم(يعدمنياكي يازفته ياحيووانه )وش ذالاسلوب اجل بالعقل هاذي تربيه وتعليم ولاضرب وقلة تعليم ومدري حنا مدرسه ولافي حوش بقراصوات البقر اعلى من اصواتنا يمكن عشان لاصق في المدرسه حوش بقر ونعم الجار
وازيدكم من الشعربيت المدرسه يكون جنبها مركز صحي اومبنى حكومي وهي جنبها مقبره تخيلو يوميا تقريبا نشوف سياره الاسعاف وكثير من الجنائز والمشيعين وحنااطفال تصوروخوف ورعب في المدرسه والليل احلام وكوابيس
مزعجه .حتى المديره صارت تجي في الكوابيس ماأفتكينا...امافي خامس كانت مدرسة الدين تنادينا بالمجانين بالله تستحق تكون قدوه وهي تعاملنا بهاالشكل... أذكر مره قالة ابله العربي جيبو اكتاب القواعد وكانت مهددتنا بعقاب
ان تطلعنا براالفصل وحده من الطالبات سُرق كتابها شفناه معاها في الصباح بس ماصدقتها وشهدوا زميلاتها بس شهادتهم ماقبلتها عُقبت عشانها محد بيوقف معها وطلعتها برا وش هالحظ السيئ شافتها المديرة ةماخلت شي
من التهزيئ واللي سرقتة طالبه الوكيله عمتها وطمست الاسم من الغلاف ونست الاسم الموجود خلف الغلاف لذ كشفنا ها بس لم تعاقب (لان من امن العقوبه اسأ الادب) وفيه مواقف كثير في فصل الشتاء تدخل قريبات المدرسات
في الصاله والبقيه في الساحه يصارعون البرد القارص كانت وحده تعبانه محدرحمها ودخلها عن البرد....يمكن اقدراقول مأسي الضرب الصباحي لبعض الطالبات بطريقه مزعجه قدام الجميع نظرات الكره المتطاير من بعض المعلمات..
مره طالبتين ماحفظوالدرس وحده منهم ارسلت للمديره لتمارس سلطه الجلاد عليها والثانيه لان فيه من ينصرها سلمت من الضرب شفتوالظلم كيف فهي المدرسه.. وفي صف سادس كانت ابلة الرياضيات تقول لنا اوقفي ياتحفه
اول شيئ اشرحي زين بعدين قول اللي تبين ومن شين الطبايع صارت درسنا تدبير يعني بألعربي الفصيح طبخ اقولكم طريقتها الفاشله في الكيك اولًا كانت تخلي سوريه معنا تخلطه توقعون بالخلاط للأسف بيدها هذا كيك توقعت
انا نسوي قرص بر يوم خلصت قطعت الكيك وهوعجينه يعني موب مستوي وقالت كولو واللي ماتاكل بتنقص درجتها ماقلت لكم من قبل انها معلمه فاشله في الرياضيات فمبالك بالطبخ
ومن القصص العجيبه مره المدير بغت تفقع عين طالبه يوم ضربتها شكواهلها ادارة التعليم من بكرةهزئتها المديرةوقالت تعرفين تشتكين انت وجهك اسمع شكوى ثاني مره شوفي وش اسوي فيك اسلوب التهديد والوعيد...ثلاث طالبات لعبو
في المويه قامت المدير ة بضرب الجميع استخدمت قاعدة (الخير يخص والشر يعم) اساور الطالبات تكسرت من قوة الضرب ... ولا تنظيف الحوش يوميا على فصل ..تحسب اهلنا مرسلينا عمال نظافه
شوفو قمت الاهمال كانت ابواب المدرسه الخارحيه ما تقفل وحنا مرحله ابتدائيه لايفوتكم الاوراق والكتب القديمه تحرق في حوش المدرسه وامام الطالبات حتى ماخافو على الطالبات وين الاهتمام والا الشطاره بالضرب والشتم...
صراحه ذكريات مايتشرف الواحد يذكرها بس رغبة الكثير ان نذكرها رساله لطالبات اليوم احمدالله انتم تفوقت علينا بمراحل في العمليه التعليميه...ومع ذلك تتذمرون
اكيد بتقولون هاذي تبالغ بس صدقوني كل ماذكرته حيققة واقعية..عاشت كثير من الزميلات احداثها وتفاصيلها...وهن الان معلمات..اثبتنا جدارتهن بالعملية التعليمية..وان الفشل ان وجد فهوبالمدرسة وإدارتها الفاشلة...
التقيت بهن بدورات تدريبية ..وجميعهن تحدثن عن اسوأمرحلة دراسية..كادت تصبينا بالاحباط..وهي المرحلة البتدائية..وهناك المزيد من الاحداث المثيرة..بس قلت اكتفي بما ذكرت حتى لا يصيبكم الملل...
**********************************************************************************************
رسالة خاصة جداًلكل معلمه اساءت لطالبات الرابعه القديمة....
هل احسستي بعظم المعاناة بعد ان اصبحتي ام وابنتكِ طالبة..؟
هل اتتكِ ابنتكِ يوماً مضلومة...مضروبة....مشتومة....اوشاكيةمن تسلط معلمتها...؟
هل قبلتي ان تتعرض ابنتكِ للاهانه وانتي تتفرجين....؟
هل ادركتي حقيقة الفروق الفرديه ...؟
هل شعرتي بالذنب يوماً...؟
هل قابلتي معلمة ابنتكِ وتفاجأتي انهاأحدى طالباتك...هل خشيتي على أبنتكِ منها....؟
هل ادركتي حقيقه ان هناك دعوة تتكرر على اللسنةمعلمات الاجيال (حسبنا الله ونعم الوكيـــــــــــــــــل)؟
*************************************************************************************************************************************************


:26: غيــــــــــــــــــــ:26: داف:26: مع صادق الحب لكم جميعاً