احد اسرار الحياة ( لماذا يرفضنا ازواجنا او الآخرين)؟؟؟

بسم الله الرحمن الرحيم


هلا بنات شخباركم


لاحظت بعض البنات يكررون كلمات معينه


استغربتها


مثل :


- ليش الناس صارو جذيه؟؟


- انا مهما اسوي احس الناس ما يبين بعينها ؟


- لاحظت اشياء غريبه بالمجتمع .....و .....و ليش الناس صارت بهالصورة ؟؟


- والى اخره



من الفاظ توحي ان الناس صارت مو زينه وان المجتمع سئ


وان الناس الطيبة اصبحت قليله


--------------------


تقبلو مني هذي الفلسفة البسيطة في فهم الحياة والمجتمع النابعه من دينا الجنيف


ومدموجه ببعض الاراء الحديثة


الحياة التي تعيشينها من اختيارك


يعني اذا اخترتي الحزن والبكاء والألم


ستجذبين المزيد من الحزن والهم وشيقة الخلق


أنت ما تفكرين فيه


اعرف وحده تزوجت عن حب وتعيش مع زوجها من سنوات


دائما تكرر اخاف يتركني


اخاف اقعد الصبح القاه منحااااش ؟؟؟


وتعيش بهذا لقلقل من سنوااااات


واصبحت تصرفاتها نابعه من تفكيرها


شلون ؟؟


اذا تأخر بالدوام تظن انه هرب منها


اذا انشغل عن الرد على مكالمتها او مسجاتها


تظنه بدا يتهرب


وبالتالي تتصرف على هالأساس


شلووووون؟؟


تكتب المزيد من المسجات


وتتصل اكثر


وفي هذي الاثناء يكون زوجها مشغول او لاهي او اي عذر بالدنيا


ولما يكلمها او يرجع البيت


شتسوي؟؟


طبعا عارفين


تسأله وتحاسبه وتتشره عليه


وهو يعتذر


لما مع الايام صارت حياتهم


لف ودوران


واعتذارات


وتشره


و و و


وزاد عندها شعور انه بينحااااااااااش منها


وعقب 9 سنوات زواج


وحب ورومانسيه من طرفها


قعدت الصبح ما لقته


دورت دورت دورت ما لقته


خرج ولم يعد


مع الأسف


زاد المها وحزنها وقامت تقول ليش الدنيا جذيه؟؟



اللي حصل انها كانت تفكر بكل وقت بأن زوجها بيتركها


مع انها كانت طيبه معاه ورومانسيه واغرقته بالهدايا والحب والعطاء


لكن .........


وأه من لكن


كانت تغرقه بالهم والنكد والملاحقه


والتشره


مما ادى الى ان يفرط بكل لحظات الحب والهنا معاها


وينحااااااااااش الى راحة البال والهدوء


(( طبعا بتقولون هو غلطان كان المفروض يناقشها ويوضح وجهة نظره))


لا تظلمونه ولا تظلمونها


تتوقعون 9 سنوات ما فهمها ما يريد ؟؟


لا فهمها وتعب ونصحها


لكن ( عمك اصمخ)


ولا تزال تعيش على قانون ( الجذب )


تجذب الأشياء السيئة في حياتها :


مثلا فلانه اللي احبها ماردت على اتصالي اذن هي حاقرتني


وفلنتانه مالها خلقي اخاف ادق عليها ما تعطيني وجه


ولما تدق وهي مسيطر عليها هذا الشعور


راح تتصرف على اساسه و


و


تتوقع الرفض من الخرين


وتسئ الظن


اي ما ردت عليه ما تبيني


ليش ؟؟ حرام عليها و ...... و........


الخلاصه :


في قنون من قوانين الحياة اسمه قانون الجذب


و هو بالضبط يعني


ان ما تركزين عليه بقووووووة وتفكرين فيه تجذبينه لج


سواء كان سلبي او ايجابي


مثلا اللي تركز على فكرة :


مابي ريلي يكش مني مابي ريلي يكرهني


راح يجيها هذا الشي


الاصح ان تفكر


بنفسها انها قادرة على الحصول على حبه