احد عنده بيت يدلنا عليه

السلام عليكم .. كيفكم بنات ؟؟ والله يا انا شاطحة بطلبي ... يعني البنات يسألون عن تفعيل الرسائل الخاصة والشنط واشياء حليلة وانا احس اني اسأل عن شيء ماله داعي ابد :30: بس عاد انا قلت اجرب حظي لانه مابقى مكان ماجربت فيه اصلا .... باختصار انا صار لي مده بسيطة راجعه للبلد (الرياض) كنت عايشة بالخارج, ومن يوم جيت وحنا حايسين ندور على بيت ايجار ... والله طلعت روحنا عجزنا نلقى شيء مرتب ..الرياض على كبرها عجزنا نلقى فيها شيء على مزاجنا ... كل الموجود اي كلام الظاهر لانه ايجار فيسوونه اي كلام ولا يهتمون فيه ..:06: عاد حنا لفلفنا على ثلاث ارباع محلات العقار الموجودة في البلد الظاهر لكن قلت يمكن تعرفون احد بمكاتب العقار زوجك ولا اخوك ولا ابوك وانا جاده بطلبي وابي ردود جاده .... ابكتب المواصفات اللي ندور عليها انا وزوجي وفي حاله انك تشوفين انه هالطلب موجود عندك او تقدرين تدليني وين القاه فياليت ما تترددين وتعطيني خبر سريع لانه حنا عازمين نستأجر خلال الفتره هذه لانه تعبنا من الشحططة ما بين بيت اهلي واهله ................
1- دوبلكس او دور ارضي والمطلوب ايجار مش بيع
2- يكون سراميك او رخام
3- 3-4 غرف نوم
4- صالون ومقلط وصاله
5-مطبخ راكب
6- مكيفات راكبه ( يفضل مركزي او سبلت)
7- مدخل سيارة
8- ملحق للسائق - غرفة للخادمة
9- جديد تماما او مستخدم استخدام نظيف
10- شمال او شرق الرياض
11- يكون المبلغ بحدود 35 الف - 45 الف ريال

اذا شفتي انه هالطلبات جميعها او اغلبها متوفر لديك ياليت تردين علي سواء هنا ولا برساله خاصه .....

ملاحظة : الموضوع جدي تماما ....