احد عنده مثلي؟ وأيش علاجه؟ الله يرد وجهها عن النار اللي ترد علي

كيفكم بنات

تكفون سألتكم بالله عندي خوف فظييييييييع خوف مره يضايقني
أخاف من المستقبل لدرجه ماتوقعوها
دايم أفكر وأبكي أخاف مااتوفق في حياتي ولااتزوج واذا تزوجت يمكن اتطلق
أو اصير عجوز أو اصاب بأمراض شديده وادخل المستشفيات
او يموت احد من اسرتي بعد ماجربت قبل
او اموت انا ويعذبني ربي على ذنوبي
وبعدها ياخذني التفكير لكبر السن وعندالموت العيش بالقبر وحيده
وبعدها تقوم القيامه ....إلى اخره
وبعد ماينتهي تفكيري انهار وابكي حيييل وتجي لي رعشه وتنميل بالاطراف خاصه القدمين
متضايقه
ذبلت وتعبت من هالافكار
:44:
بالله احد عايش مثلي كذا ؟
وكيف اسوي؟
احساسي الحياة عندي كذب ومقلوبه ماني عايشه مثل الناس وربي متنكده حسبي الله ونعم الوكيل
مع العلم اني انسانه عاديه علاقتي بديني وسط قليلة الاجتماع والاختلاط بالناس :(