احد مثلي امي ما تفضل تقعد معي

السلام عليكم
انا يا بنات بعطيكم نبذة قبل اقول الي بخاطري
انا وحدة متزوجة ما عندي اخوات بس اولاد ذكور
عندي اخت من الرضاعه فقط وهي في مدينه مختلفه عننا تزورنا مره بالسنه بحكم ان لزوجها مواعيد بالمستشفى واختي هذي لها اخوات غيري وتكون بنت عمتي بنفس الوقت يعني
وبالأخير مهما كان مافي مثل الاخت الي من لحم ودم
نجي للمشكله عشان تفهمون اكثر
المشكله الي مضايقتني امي ما تحب تقعد معي شخصيتنا مختلفه 180 درجة مع ذلك انا احاول اسولف هي تقعد على الجوال اغلب الوقت
ماتحب تطلع معي تطفش واذا قلت لها نطلع نسوي اي شي تصرفني
لما تطلع ما تعلمني انها طالعه ولا احسها تحب تاخذني معها
عكسي انا انادي صديقاتي وامهاتهم عشان امي تنبسط و تستانس
احيان اتصل ماترد علي
واحيان القاها تطلع مع وحدة من قرايبنا مثلا بس تكون اكبر مني ب 6 سنوات او 7
لانها نفس تفكير امي
ودايم من انا صغيره تقول ياليت خلفتي كلها اولاد ما احب البنات كلامها كان يجرحني ويضايقني
يابنات احس اني لوحدي انا ما احس لا لا لا انا فعلا لوحدي بس الي مزعلني امي عايشه ولا معبرتني
تصدقون انا كنت اشك الخلل فيني بعدين اجزمت لا
لان دايم خالاتي بناتهم قرايبنا وامهات صديقاتي يمدحوني والحمدلله الاقي القبول بس امي لا ما القى منها اهتمام
ودايم امور توقف ضدي وتطلعني الشينه
علموني بنات هل في امهات كذا ما يهتمون ..؟؟؟
هل في حل عجيب ممكن يخفف من الموضوع ...؟؟؟؟ على الاقل لو ما يعالجه يخفف بس