احد مثل اختي؟

السلام عليكم ورحمه الله وبركاته
كيف حالكم بنات
عندي مشكله شاغله لي بالي ولا اقدر اقولها لاحد لانها حساسه شوي
بنات عندي اختي الى اصغر مني انصدمت انها حاقده علي
تخيلو كنت الاحظ انها ماتحب تجلس تسولف معي او تطلع معي مشوار بعكس مع احد ثاني تسولف وتعطيهم علومها واخبارها وانا لا كاني غريبه المهم حنا نختلف كثير مثلا ع شغل البيت او الطبخ وهالاشياء واي شي اسويه من وجهتها نضرها انه غلط تحفظه بالملي مثلا سحبت عليها بتنظيف البيت اسبوع مثلا وهي الى تنظف ماتنساه لو بعد سنين انا على نياتي اقول عادي اختلافنا لان تفكيرنا مختلف المهم ويجي يوم نختلف على موضوع اتفه من التافه تخيلو وتجلس لي ع الوحده انتي وانتي وانتي ليتها اشياء تسوى توافهه وتمسكها زعله تقريبا سنه خلال هالسنه احاول اتقرب منها بس ماتعطيني وجه ويكتب ربي ان حفل تخرجها وتسولف للكل ترتيباتها شنو بتحط وشنو بتسوي وبالموعد وتخرص ع الناس تحضر وانا والجدار واحد
وسبحان الله بيوم حصل لها ظرف ولا احد وقف معها غيري والبنات الى كانت تسولف لهم بهالشي ولا كانهم يشفونها تبكي قدامها كم وحده طبطبت عليها ومشت والحمد لله انحلت مشكلتها وكنت الوحيده الى وقفت معها بهالشي انا فرحت ان الزعل راح وتصافينا بس نفس حركاتها قبل ماتحب تسولف معي ولا تعلمني باي شي يخصها مع اننا بغرفه وحده واذا اخذت رايها بشي لبس مكياج اذا كان حلو تقول حلو بس مو من قلبها عكس او مو حلو مم قلب تقول مو حلو وهالشي يبين ع وجهها
واذا جلست اسولف معها تعصب وتقول انتي ضيعتي وقتي هالوقت مخصصته للجوال
المهم بعد ٨ شهور بالضبط جيت مره وطلبت منها اخذ باليوم دورها بالبيت وهي تاخذ دوري هنا انفجرت بوجهيي انا مو على كيفك تسوين الشي بالوقت الى تبينه وتبيني اسمع كلامك قلت لها انا طلبت منك بس هاليوم وعلمتها السبب ورفضت بزعل وهواش انصدمت من رده فعلها وقلت ماله داعي كل هذا قولي لا بدون هالصراخ وتخيلو من يومها وهي زعلانه ولا حتى تكلمني بيني وبين نفسي قلت بالطقاق انا ماغلطت ولا راح اقدم لها تنازلات مثل كل مره لاني عرفت انها ماصدقت تجيها الفرصه عشان تزعل وتركتها ولاكانها موجوده بس الى صدمني سمعتها مره تقول لامي تدعي علي وتحش فيني وتحرض امي علي صدمة عمري لييه وش سويت علشان كل هذا طلعت مغفله وطلعت متعوده تحش فيني عند امي وتحرضها علي
المصيبه الاسباب تافهه ولا شافت مني الا كل خير اشتري لها هدايا واذا حبت لنفسي شي اجيب لها
احينن احسها تغار بس وش عليه اذا على الخطاب يجونها هي وكثير واذا ع الشهاده عندها ولا عندي ختى الجمال هي اجمل مني بس ليه حاقده علي ودي افهم السبب
ادري طولت عليكم بس اعذروني لاني كاتمه بصدري شهور وابي افضفض هنا ٤ خوات انا وهي وثنتين صغار اقل من ١٠ سنوات يعني ماعندها غيري ولا انا عندي غيرها كنت احلم نكون مثل اي اختين اسرارهم مع بعض وطلعاتهم