لوزة 2010 :

لا تستحين ياقلبي طالبي باغراض للمطبخ واطبخي بنفسك ليش وجبه وحده في اليوم واكتبيلة رسالة على الجوال قولي اش رايك نطلع نتعشى بمطعم لاتستحين ترى اذا ماعودتيه من البداية انه يخرجك ويبسطك ماراح تقدرين بعدين تغيرينه واذا رفض خذي موقف منه خلي لك ردة فعل قوية طالبي ياقلبي بحقوقك

لا تستحين ياقلبي طالبي باغراض للمطبخ واطبخي بنفسك ليش وجبه وحده في اليوم واكتبيلة رسالة على...

وعود حالمة :

شوفي حبيبتي بانصحك مثل ما انصح وحده من اخواتي/ الله يعينك الرجل خذيها قاعده ( الرجل ما يفهم اللي تبينه الا اذا صارحتيه لأانك لو سكتي بيقول راضيه ويطنشك) يعني الله لايهينك تبين يصير اللي نفسك فيه صارحيه ولا تسكتين وتقولين تستحين او تأخذك العزة اذا رفض طلبك وتبطلين تطلبينه لا والله زني واصري لين يجيبه كذا تعوديه ومستقبلا اذا كبرت عايلتكم وصار عندكم عيال يحس بالمسؤليه مو يضرب بكم عرض الحايط لانه من بدايه حياته ما حسستيه ان عليه واجبات لازم يأديها زي ماله حقوق بيآخذها ...فهمتي 2- بالنسبة للبيت عوديه اذا نزل الراتب خصصوا مبلغ للمقاضي ومبلغ آخر تقسميه على ال4 اسابيع اذا احتجتوا خبز عصير إلخ من البقالة فهمتيني... عوديه تنزلي السوبر ماركت وتتقضي للبيت تعبي ثلاجتك من إلى بس تذكري ان اللي بتتقضينه لشخصين فقط مو لعائلة كبيره ...ومري قسم الشوكولاتات والشيبسات ومكسرات اذا نفسك فيها وخذي اللي تبين (يمكن يعلق ويقول ماله داعي ماعليه اضغطي على قلبك والغي شعورك ولا يطق عرق الكرامه وتبطلين لانه يتكلم مو بخل بس عقله قاعد يفكرومع الوقت يتعود وفي نفس الوقت ما تحسي بالقله والحاجه لان ما معنا إلا هم وجلستنا عندهم عمر وحياه مو سياحه ونرجع لاهالينا الله لا يبتلينا ) وبكذا ياقلبي مستقبلا انتي تعرفي وش نفسك تطبخي واغراض بيتك تاخذيها وبنفس الوقت تعود يقضي لبيته وما يقصر. 3- المطاعم والله ما ادري بس لو تخلوا يوم بالاسبوع تروحوا مطعم مثلا بعد صلاة الجمعه يجي من المسجد وانتي جاهزة وتطلعوا تتغدوا وخليها عادة.او اي يوم يناسبكم 4- اطبخي ياقلبي وليه على قولتك خفيف لا والله اطبخي لو مثلا تعملي كبسه اقسمي الدجاجة واطبخي ليومين وحطي بالثلاجة اذا ما صار لك نفس تطبخي اليوم الثاني او صواني انتي اشتري صواني مقاس صغير حتى تتشجعي تسوي على قدكم بدعي بالطبخ ياقلبي عالاقل وجبه باليوم وباقي الوقت ياتطلبوا ياتسوي شيء خفيف ساندويشات او معجنات .. 5- تذكري ان البيت اللي انتي فيه بيتك مثل ما هو بيته ولا تحسي انك ضيفة هذا واجبه وهو ما انكر بس الخلل كان من ناحيتك ما انت حاسه انه بيتك وهذا شيء طبيعي في البدايه بس فوقي ياقلبووو لا تخربي على نفسك ...انبسكي صار لك بيت خاص تنامي وقت ما تبي تطبخي اللي تبي تستقبلي اللي تبين ....إلخ بس ابدي حياتك بما يرضي الله واتقي الله في تعاملك مع زوجك وحسسيه ان الحياة مشتركة وانك فخوره فيه وخلي لكم هدف ان السعادة في العبادة وان همكم تساعدون بعض وتعينون بعض على قضاء امور دينكم واصلاح امور دنياكم ...خليكي له صديقه عشان تكسبي وجوده بحياتك وتحمسيه لجلسة البيت ... وفي نفس الوقت خلي لك عالمك واشغلي نفسك بشيء يفيدك لكن لاتقصري في بيتك حتى لو حسيتي انه راضي لان مصيره يقول ما تطبخ واهم شيء عند الرجل يعبي بطنه :) 6-حبيبتي اغلبنا ما سافر شهر العسل وانا وحده منهم والسعاده مو بالمكان واذا نفسك بالسفر الايام جايه ان شاء الله شوفي لنا كلنا صح تعبنا في بداية حياتنا لاننا عارفين البير وغطاه فلا تتعبي تفكيرك لان لو فيه شيء كان ماقصر /تذكري ان الرجل يآكل هوا من المصاريف والديون اللي مآخذها عشان يتم زواجه / تذكري ان اول سنه زواج متعبه من ناحيه اختلاف وفهم الشخصيات و من النواحي الماديه بس بالنسبة لزوجك اطلبيه مصروف قولي ابي فلوس بشنطتي لو احتجت اشتري اللي ابي او لو مريت بظرف وانت مو معي او عند اهلي الا معي انتي ادرى بظروف زوجك يعني اذا تبين 500 قولي اعطيني 1000 واذا تبيت 300 او 400 قولي اعطيني 500 عاد انت ادرى لا تطمعين اطلبي المستطاع عشان يجيك وانتي عاد جمعي واشتري اللي نفسك فيه ملابس عطور مكياج ....إلخ هذا حل بس لاتقولين له عن خططك عشان مايشيل يده مره ويقول هذا انا ااعطيك مالي دخل دبري نفسك... 7- تذكري ان الرجال يختلفون وانك لازم تعودي زوجك على الامور اللي تحبيها في حدود المعقول وانك اذا تبين ترتاحين بحياتك ماله داعي الحياء الزايد لان الرجل مارح يحس ولا وظيفته يقرأ افكارك ويتنبأ باللي نفسك فيه .. فهمتي 8- انا احكي لك لاني مريت بتجربتك وتعبت بحياتي وكان ودي احد ينصحني بذي النصايح بس كنت وحيده ما كنت احب اسمع حكي قريباتي وصحباتي من زود الحيا عشان كذا قاعده ادفع ثمن سكوتي الحمد لله على كل حال بس صدقيني اي وحده تستشيرني احكي لها نفس هالكلام عشان ما تتعب تعبي 9-تذكري انك ببدايه زواجك اذا ماحاولتي بزوجك ورغبتيه تطلعوا وتتمشوا بالاماكن حتى لو القريبه متى بتنبسطين اذا جوا العيال وحكموا الطلعه وصارت باوقات ومواعيد !! 10- موفقة ان شاء الله...... لاتنسين هذا بيتك وعيشي حياتك صح

شوفي حبيبتي بانصحك مثل ما انصح وحده من اخواتي/ الله يعينك الرجل خذيها قاعده ( الرجل ما يفهم اللي...