احد يرد يبرد ناري

السلام عليكم ورحمة الله وبركاته



اخواتي بنات عالم حواء

انا متزوجه وعندي ولدين ولله الحمد ..انقطعت عن الدراسه مدة مايقارب 7 سنين وانا الحين ابي استكمل دراستي الثانويه بما اني تفرغت للدراسه ورحت للمدارس اجوبها من مدرسه لمدرسه مااحد عطاني من وقته دقيقه اشرح له ظروفي كل من تسالني ليش جايه ؟؟؟
اقول ابي استفسر عن طريقة التسجيل منازل للمنقطعات عن الدراسه وش الاجراءات المطلوبه (لاني كنت ادرس بالرياض ونقلت للمدينه ..ابي اعرف وش المطلوب علشان اراجع مدرستي اللي بالرياض)
المهم سالتهم عن الاجراءات المطلوبه يهبون بوجهي ولاحتى يستقبلوني بمكاتبهم يكلموني عند الباب ولاتفضلي استريحي ولا شيء والا النفس من طرف خشومهم يكلموني ويقولون لي (منقطعه و7 سنين يااختي استريحي ببيتك وش تبين بالمدرسه روحي مافيه تسجيل )والله يابنات ضيقوا صدري وكسحوني وهم ولا حتى سمعو بظروفي وسبب انقطاعي حتى عزيمتي وحماسي للدراسه تلاشى .. رجعت للبيتي وانا ضايقه فيني الدنيا اللهم اجعلها اخر همومي وربي بكيتي من القهر ..يعني خلاص ضاع مستقبلي مافيه امل ادرس مع اني مو كبيره عمري 27 سنه

ماقالو الدراسه مالها عمر ليش يدققون بعمري ليه يتمسخرون فيني وكني اشحذهم من حلالهم والا كنها مدرسة ابوهم :icon33:

حسبي الله ونعم الوكيل فيهم ..اللهم ارني بهم عجائب قدرتك ..اللهم اذقهم عذاب القهر اللي حسسوني فيه :(

شوروا علي احد صاره مثلي ..اشتكيهم للرئاسه العامه ؟؟؟:44:



على فكره قدمت على مدرسة خاصه قالو ا حنا مانقبل منازل

ورحت مدرسة الكبيرات اللي بقباء مايقبلون الا منتظم وانا ابي منازل علشان اولادي