مرحبا عالمي الحبيب ..عالم حواء
انا قبل كتبت مشكلتي وهذا رابطها للي يحب يطلع عليها
http://forum.hawaaworld.com/showthread.php?t=2348178
وبصراحه تشجعت وتحمست من ردود البنات ورجعت للمديره اتفاهم معها ..
واول مادخلت قالت نعم وش تبين ؟
يوم شفتها كذا بسم الله حتى السلام ماردته ولا قالت تفضلي استريحي
وانا اجلس واقولها اني جيتها امس ابي استفسر عن اجراءات النقل والتسجيل لطالبات المنقطعات قسم منازل
قالت وانتي تبين تدرسين الحين
قلت اكيد لا بس حابه اعرف المطلوب علشان ابادر بتجهيز الاوراق طالما اني كل ماجيت اسجل تقولي لي اكتفينا
قالت انتي وين ساكنه قلت قريب منكم بالشارع اللي بعدكم طوالي قالت لا انتي ااكيد ساكنه جنب مطعم البيك (هذا مكان بعيد عن المدرسه مراااا)
انا انصدمت من كلامها كانها داخله هواش قلت لا والله اني ساكنه بعدكم بشارع وقلت لها اسم الشارع ومعي صورة صك ملكية البيت اذا حابه تطلعي عليها
قالت وين كنتي تدرسين
قلت بالرياض
قالت اهااا
قلت حابه اخذ فكره عن الاوراق المطلوبه
قالت بس ورقة قبول
قلت من مين ؟
(لانو قبل 4 سنين شحططتني بين الرياض والمدينه بسبب هالورقة حقت القبول تقول لازم الرياض يرسلون لي انهم موافقين تنقلين من عندهم ولما اروح للرياض يقولون لاا لموافقة تجي منها انها تقبلك لك ومكان شاغر واحنا نحوله عليهم وقالت خليها تعطيني رقم فاكسهم او رقم مدرستهم وانا اتفاهم معها ولما رجعت لها قالت اسفه مانعطي ارقامنا اي احد ؟؟؟؟ يعني تعقييييييد وبس)
المهم
قالت بس قبول
قلت ايوا منين يعني فهميني (لاني قلت يمكن قصدها قبول من الرئاسة او شيئ لاني منقطعه ..)
قالت لو سمحتي لا ترفعي صوتك (وانا ولله يابنات واقسم برب الكعبه اني مارفعت صوتي ابداا انا صوتي كان هادئ واتكلم بهدوء وربي على مااقول شهيد )
قلت يااستاذه انا اتكلم معك عادي مارفعت صوتي
قالت لاااااااااا انتي مااحد يقدر يتكلم معاكي
وقامت نزلت نظارتها ورمتها على طاولتها بعصبيه وقالت _ انتو كذا يااهل الرياض ماتحترموا احد
وانا ارفض اتكلم معاك تفضلي اطلعي برا
وانا يابنات من الصدمه ماتحملت وش هالاهانه اللي بدون مبرر وكانها تختلق مشكله علشان ماتقبلني :44:
قلت لها يااستاذه هذا مو اسلوب حواري ابدا المفروض يكون تعاملك مع الناس ارقى من كذا
كتفت يديينها وطنشتني تناظر الر ايح والجاي وقالت انا ماابغى اتكلم معاك ولا راح اقبلك برااا
قلت ليش ماتقبليني مدرسة ابوك هذي مدرسه حكوميه وانا لي حق ادرس فيها لانك ملزمه تقبليني وانا من نفس الحي
وانا مو جايه اطلبك حلالك هذا حقي ..
واذا الموضوع عندك مجرد كيفك وحره انا مظطره اني اقدم شكوى لمدير الاشراف التربوي
قالت يدك وماتديك برااا
وانا اطلع مثل الصاروخ مااشوف قدامي من القهر ضيعت عمري 7 سنين وانا احاول اقدم وترفضني مع انها ماتعرف حتى اسمي :(بس لاجبت طاري الرياض تعالي شوفي التعامل وربي يقهرون انواع التحطيم والمسخره والتهزيئ وشوفة النفس
وطلعت لزوجي ينتظرني بالسياره قال بشري قبلوك وانا ماتحملت على طول ابكي:icon33:
واقوله السالفه قال خلاص بس بلا دراسه بلا هم امسكي بيتك قلت ابدا والله لاخذ حقي والله لاشتكي ولا لبرد قلبي فيها
كني بزر وربي اشاهق من القهر وقلت له والله ماابرد ناري غير بشكوى تصير اكس بملفها وزوجي انقهر منها قال لو قابلتك مبطي امداك متخرجه الحين بس لو تشتكين مو مسوين لك شيئ ولا راح يقولولها شيئ طنشي قلت ابدا والله مااخليها ولو ماسووا شيئ بقدم على الرئاسه العامه واذا بعد ماسووا شيئ بتحسب عليهم كلهم واترك الدراسه :icon33:
ونروح لاشراف التربوي قالو مشكلتك مو عندنا روحي لمديرة شؤؤن الطالبات
ومشاوير ولفلفه ويالله لقيناه
وادخل عليها ويوم شفتها ماتحملت بكييييييييييييييت من قلبي وجلست تهدي فيني واقولها السالفه كلها وحلفت لها قالت بدون حلفان الطالبه على حق دائما
و عصبت
قالت مافيه اهل الرياض واهل المدينه كلنا بلد واحد وانتي سعوديه قلت ايوا قالت مااصله والا اصليه قلت قبيليه اب عن جد
قالت لك حق ونص تدرسين وانتي تابعه لمنطقتها وانا راح اتكلم معها واتابع الموضوع بنفسي مالها حق ابدا انها تطردك ايش ماسويتي هذي مدرسه حكوميه وانا احيي فيك محاولاتك جاهده لالتحاق بالمدرسه وندعم المنقطعات بعد وانا اللي ابرد شوي شوي :42:
وقالت تعالي بوقت الاختبارات النهائيه وانا اسلم ورقه تكتبي بيانتك فيها وعلى طول تتسجلين والله يوفقك يارب
الله يسعدها دنيا واخره والله انها فرحتني بردها واحتوتني بجد
وكان عندي وحده بعد جايه تشتكي ونفس شكوتي بس مدرسه ثانيه والمديره استغربت من ردود مديرات المدارس على الطالبت
يوم طلعت لزوجي قالي بشري قلت بياخذون حقي منها
قال توقعتهم مايعطونك وجه بس قلت اوديك علشان تقنعين وتسكتين بس زين اني وديتك خليها تتربى وتعرف كيف تعامل الناس وكذا تدرسين غصب عنها وتحترمك غصب عنها
والف شكر لكل من دعا لي الله يوفقكم والف شكر لكل من نصحتني الله يجعلها بميزان اعمالكم :26:
girlksa @girlksa
عضوة فعالة
يلزم عليك تسجيل الدخول أولًا لكتابة تعليق.
rere199
•
غريبة اي ثآآآآنويه هاذي بالمدينه خخخ روحي الثانوويه الواحده والثلاثووون او السابعه او الواآآآحده يقبلووونك عادي
الصفحة الأخيرة
والله مرررة انبسطت لك
تحمست كثير مع مشكلتك وانرفع ضغطي من هالمديرة
ولو تشوفي الإبتسامة بإنتصارك هع هع
الله يوفقك وبشرينا
وسمعينا الأخبار الطيبة
//