احد يفسر لي تصرفاتها

قبل ٣ سنوات تعرفت بالمشغل على بنت طيبة واخلاق مررره وملتزمه دينيا وغيرتني بامور كثير بالحياة وصرنا مرره صديقات
وبالصدفه طلعو اهلي واهلها يعرفون بعض
يعني ابوي وابوها نفس العمل

بعد ٣ سنوات صداقه خطبتني هذي البنت لاخوها وطرت من الفرحه اني بكون قريبه لها
وسألنا عن اخوها كويس والكل يمدحه
المهم ملكت وتزوجت وحملت يارب لك الحمد
لاحظت بعد زواجي صديقتي تغيرت علي مره مره وكنت اكذب نفسي اقول لا اتوهم لاتتحسسي ياحنان
لكن صار كذا موقف واحس اني صرت مقهوره ومكسوره
هي اول كانت تحبني مره ك صديقه وكل اسرارها عندي وكانت تمدحني تمدح اناقتي وشكلي وبشرتي وكل شي تنظر لي نظرات كذا دايم 😍 ودايم تدعمني ايجابياااااا وقبل يوم كنت اشوفها اطلع منها وانا مبسوطه لانها كلامها معاي مثل البلسم كانت تقولي جوانب حلوه بشخصيتي وكنت انبسط معها

الان صارت عكس صارت تقارن وصارت اذا جلست معها تمدح بزوجها كثييير مدري ايش المقصد
وصارت اذا جيتهم وبجمعة كبيره وقلت كلام فجئه تجلس تضحك هي واختها وكانها جالسه تشككني بنفسي استغربت وقتها بس احسنت الظن
ولما حملت وكبرت بطني صرت امشي بالشهر التاسع وصارت تضحك علي هي واختها وتطقطق ع مشيتي واني تعبانه واختها تضحك وتقول الله يقطع ابليسك .. يعني تحس اني امثل التعب وانا البيبي كان جالس وكنت اتعب من الجلوس والمشي
برضو سويت نفسي ما انتبهت وطنشتها وصرت امدحها وامدح ولدها وبنتها قلت يمكن تخف علي لاني مو عارفه ليش تعاملني كذا !
وقبل ولادتي جيتهم ولابسه ليقنز وتيشيرت عريض مره يعني زي ستايل الكوريين ومطلعني كيوت مره مع حملي شافتني ووجها صار كذا🙂 وقامت تضحك علي وتقول ماغير رجول وتضحك مرررره رغم ان جسمي مرره حلو وماسمنت مع الحمل ولاتغيرت بشرتي بلعكس بشرتي وشعري صاروا يجننوا وماسمرت ابد بلعكس صرت اكثر نظاره والكل يقولي الحمل عليك يهبل ..
صارت تحاول دايم تحرجني او تطلع عيوب فيني
مره شافتني وبجمعه قالت يمه حنان وجهك وش فيه قلت ايش فيه قالت مررره شااااحب وقالو خالتي وخوات صديقتي بلعكس حنان مع الحمل زايد جمالها .. انا انقهرت ووانا اقدر ارد عليها بس قسم بالله اني ماتعودت احرج احد

ولا اعرف اسلوب الرد اصلا

وصارت يوم تشوف زوجي يهديني او يلبي رغباتي تقول عشانها حامل يداريها لان اخوها بداية زواجي كان عصبي وكانت بينا مشاكل لانه مايعرفني اختلاف اراء والحين صار عادي معاي 

انا مقهوره ليش صديقتي كذا تعاملني وتغيرت علي وصارت بس تنتقدني وتطلع عيوب وتضحك بصوت عالي احس تحرجني مررره
مستحيل ادخل زوجي واقوله اول شي مابي مشاكل ثاني شي زوجي يقولي عند الحريم اذ احد غلط عليك او رمى كلمه ردي لاتصيري ساكته وانا اقوله بلعكس يهبلون ماعمري سمعت شي 

انا ثقتي بنفسي حلوه لكن مقهوره ليش هي كذا تحاول تهز ثقتي بنفسي
رغم انها هي ماهي حلوه وشعرها خشن وسمراء سمار الاهمال ولا عمري قلت لها او دقيتها بهالشي وجسمها خرب بعد الولاده ولا عمري طقطقت عليها ومستحيل اسويها انا انقد ع اللي تسوي كذا كيف بسوي مثلها!!

بس بنفس الوقت هي قاعده تحرجني وقاعده تجرح فيني وانا وضعية الصامته اللي ما انتبه لكلامك وممشيه عليها اني مو فاهمتها وانا فاهمتها وذكيه واعرف..


كيف احط حد معها ؟
صح تراها مخصصتني بسناب ما اشوف سناباتها ابدا