احد يفهمني ليش؟

السلام عليكم اخواتي ..


بنات انا زوجه ثانيه زوجي مايبيني اطلع ولا اجي ولا اروح الا معه .. مانعني اطلع مع تكاسي مع ان زوجته الاولى تطلع .. مانعني اتعرف ع جيران او اصديقات واطلع معهم .. بالمقابل زوجته الاولى عادي .. مانعني اسافر عند امي واجلس عندها اسبوعين شهر .. زوجته الاولى تروح مكان ماتبي عااااااادي .. حتى بالمولات وقت الصلاة رافض اطلع من مصلى الحريم قبله لازم يصلي ويجي يوقفلي عند مصلى الحريم يدق علي اطلعله بس اذا طلعت قبله وجلست بكراسي المول صارت مشكله كبيييييييره .. حتى الخلفه مايبيني اخلف كل مافتحت سيرة الحمل قال انا مابي اطفال انتي تبين بكيفك مامنعك بي ترا انا مابي !!
وليل نهار انتقاد .. ينتقد طبخي مو الطبخ نفسه لا شي تافه مثلا احطله فطور بيض مسلوق يقول ليش ماقشرتيه ؟؟ اذا قشرته يقول ليش ماقطعتيه وحطيتي عليه فلفل؟؟؟ باسلوب مناتر .. طيب انا وش دراني انك تبيني اقطعه واحط فلفل !!
طبعا انا ماسكتله ناقشته بهالامور وصارت مشكله وبرضو مصر ع رايه .. لذالك لي اربع ايام ما اكلمه ولا اسمحله يلمسني واذا كلمني ردي جواب مختصر ع كلامه وبس .. كل اللي بيني وبينه كلمه ورد غطاها ..




المهم عطوني حل كيف اتعامل معه بخصوص هالامور ماعندي استعداد اقضي عمري معه كذا .. بكرا بيقولي ممنوع تتنفسين