احد يفيدني في كيفيه الاستخدام الصحيح للاوكسجين عند الولاده-- واي طرق لتسهيلها (خايفه)

اهلاً اختي gygy .
انا بصراحه ما فهمت اش تقصدين با لأكسجين بس بأقلك عن تجربتي . اناعند ولادتي اعطتني الدكتوره بنج كامل ما حسيت بأي الم نهائياَ طبعا البنج بطلبي انا .
وما فقت من البنج الا وزوجي واهلي يقولون لي مبروك جالك ولد . يعني قمة الراحه .
ان شاء الله اكون افدتك . بااااااااااااي

أختي أنا عنديطفل فقط والله يخليه لي ولمن جبته قبل اربع سنين بمستشفى سليمان فقيه >>>يحطو لك الكمام لمن يصير الرحم مفتوح (5)سم لان الوحده بعدها تكون خلاص الام الطلق تزيد بشدة ..
لكن لمن تحطيه نصيحه منك ان تستنشقيه وماتبعديه عنك , حتى لو حسيتي انه ضايقك ولا كذا , او حسيتي بكتمه شويه برضو لاتشيليه خليه وطول الوقت أستنشقي وراح تحسي بالتدريج انك تتخدري بس كل بعد فترة تحسي انك تسمعي شوية أصوات من حولك بس كانك في حلم .. ..
وبالنسبه لي اعطوني عند وقت نزول الرأس إبرة في الوريد حقت البنج وخلاص ماحسيت ابدا بنفسي ولابنزول رأس ولاشي..
وحتى أخواتي لمن يولدو بنفس المستشفى هذه وهما يحطوه من نفسهم الممرضات لمن يصير (5سم) لان نفس النظام عندهم حق الولادة بالمستشفى زي كذا ..
بس ما ادري عن المستشفيات الثانيه .. لكن انتي أطلبي ..حتى لو ماجآبوه لك أطلبيه من بدري ..
وغير كذا أنصحك بالمشي من اول يوم بالتاسع أمشيكل يوم لمدة نص ساعه , بس المشيايلي على طول مثلا بالحوش او ...
لانه يساعد على نزول الرأس حق البيبي لاسفل وماتتعبي بإذن الله وقت لولادة ..انا نصحتني الدكتورة بكذاوالحمد لله .
وبالنسبه للكمام ترى ماهو مضر لان كثير يقولو انه مضر ويسوي آثار وكذا لكن ماشالله اخواتي وبنات عمتي مجربينه في كل ولاداتهم ولا صار شي والحمد لله ..

كيف بنج كامل انتي قيصريه ؟؟ مستحيل يعطونك بنج كامل اذا طبيعيه الولاده

الاكسجين اللي اقصد ماغيره اللي زي الكمامه تستنشقينها

شكرا

اخت دانه شكرررا افدتيني كثييررر

لكن بعرف كيف ليه يعطونك البنج اذا خلاص الراس بيطلع للخياطه يعني ولا ايش؟؟ لانه لو قبل يطلع الراس صعبه لان طلوع الراس يحتاج دفع واذا كننتي مبنجه مافيه دفع ! شكرا

لا يااختي انا ولادتي طبيعية والحمد لله . وفعلاَ مثل ما قلتلك بنج كامل يعني ما احس بشئ نهائياَ . وقلتلك كمان ان انا اللي طلبت بنج كامل لأنه مستشفى خاص . انا عليه اطلب وعليهم الباقي وبكيفهم عاد . اهم شئ عندي اني ما احس بألم .