احذركم من هالنقاشة شوفوا كيف شوهتني ؟؟

مرحبا خواتي وحشتوني مرررة ,,,


لي فترة مادخلت لظروف خاصة ,,,,

بس دخلت اليوم عشان أنبهكم عن موضوع كنت مترددة فيه مررررة


الموضوع عن نقاشة فلسطينية تجيب معها بنتها تنقش معها ,,

وتعاملها سيئ للغاية ,,,
والطمع عامي عينها تبي تحني الكل غصب ولو يحصل لها تحني
شغالتكم وسواقكم حنته ,,,

وعينها فارغة بجد يعني لو تشوف تحفة ممكن تقول اعطيها بنتي
نفسها فيها انا يابنات هذا كله مو هامني ,,,,

شافت خروف العيد قالت شلون شريتوه والاسعار بهالشكل
وقامت تتكلم عن بيوت دخلتها معهم فلوس ويشترون كل شيء بالجملة
يعني حسد غير طبيعي اعوذ بالله ,,,

الطامة الكبرى انها تدّعي انها تبع مشغل سامة وماخذة سمعتهم
وتقول عندها كل شيء ممكن تسويه يعني تقول عندها حلاوة
ونقش وقص وصبغ وتسريحات ومكياج ذاك اليوم تبغى غصب
تسويني تسريحة وانام فيها ليوم المناسبة لأني قلت لها مابي تسويني
الحين تخيلو قلت لها صعبة شعري مدهن لازم اتسبح مرة ثانية
وبعدين تسويني بعدين مارح اسوي اليوم لازم بنفس يوم المناسبة
وتحلف ان شعري ماهو مدهن تبي تسويني بأي طريقة ,,,


وترى اذا كلمتيها وقلتي مشغل سامة تقول لك نعم مرحبا تفضلي
واستفسرت منها عن جنسية النقاشة قالت لي ماعليك مالك الا
شغل يرضيك....
لأنه المعروف ان النقاشات الشاطرات هم السودانيات
لكن سبحان الله الي يقهر اكثر انها تمشي على سمعة غيرها
وانا اتصلت بمشغل سامة ونفوا ان يكون عندهم واحدة اسمها ام امجد
نقاشة ويقولون ماعمرهم جابوا فلسيطينة للحلاوة والنقشة نهائي
كل الي يتعاملون معهم سودانيات وانا بصراحة قدمت لهم شكوى
باللي سوته فيني ,,,


قامت شالتني حلاوة والله تنظيفها مثل وجهها حسبي الله عليها الله
لا يسامحها واقولها نظفي المكان وهي تقول ليش انت داخلة فحص
وتنافخ فيني وتقول ترى لو لقيتي شعره مارح ارجع انظفها شيليها
انت قلت معليش بستحمل بكرة العيد واحترمت انها حرمة كبيرة
ولما جتني انا سبق واتفقت معها بالتليفون قلت لها ابي حنا بنية غامقة قالت
موجودة عندي ورح اسويها لك وراحت عجنت كمية كبيرة ,,,
ولما جتني قالت ترى الحنا يصير لونها برتقالي اذا تبينها غامقة نامي
فيها قلت اجل ابي اسود وقامت تتحلطم وتتساسر هي وبنتها
وتقول شوفي الحنا الي سويتها لك انت خسرتينا وما ادري ايش
وقامت خلطت لي حنا سوداء علما انها حنت اخواتي من حناء
سوداء جاهزة ماخلطتها ولما جاء وقتي خلطت لي حناء سوداء وحطتها
على طول بعد الحلاوة وانا قلت لها خطير تحطينها على طول قالت
لا عادي اسوي زبايني كذا دايم ماصار لهم شيء وحسيت بحرارة بيديني
وتحملت قلت يمكن عادي ما دري البلاء بالحناء ولا بالحناء بعد الحلاوة
مباشرة ,,, المهم اني بيوم العيد مباشرة وانا رايحة المستشفى
منطقة النقشة تنفخت بشكل مو طبيعي وصايرة حبوووووووب كلها
رسمة الحناء بالضبط محببة الله لايسامحها والله قضيت ايام العيد احط كمادات
ثلج ورحت للمستشفيات ويعطوني حبوب ويعطوني مراهم بس مافاد والحكة
قوية مرررررررررررة والله الذي لا إله الا هو ان يديني تجرحت والدم يطلع
عسى الله يوريني فيها عجايب قدرتها كان الحناء فيها بلاء وعلى اخلاقها السيئة
حتى الدكاترة تفاجأو من يديني ,,,,



الحين مر على هالموضوع ست شهور وزواجي مابقى عليه شيء الله يتمم لي
ولكل عروسة على خير ,,,, وللحين يابنات اتعالج من يديني ومن الاثار الي فيها
على شكل وردات الله لا يسامحها ,,, ومن الواجب علي اني احذر خواتي
ويشهد الله اني ترددت اتكلم بهالموضوع لكن لأني تعبت احاول ابعد هالاثار ماراحت
والكل يسألني عن السبب واعلمهم وقالوا لي لازم احذر منها ,,,,,





اتمنى تدعون لي بالتوفيق والسداد واشوفكم على خير ,,,,