احذرن برنامج The Swan !!!!!!!!!!!!!!!

السلام عليكم
كيفكم يا حلوين
أنا حبيت أقولكم عن رايي في برنامج The Swan اللي تعرضه قناة 2
بصراحة أنا ما شفت منه الا حلقة وحدة اللي هي حلقة أمس الجمعة و تضايقت من الفكرة الشريرة اللي ورا هالبرنامج. ليش شريرة؟ لأنهم يهدفون الى زعزعة ثقة كل امرأة في نفسها و في جمالها و في خلقة الله لها، و يخلونها تعتقد انها ما راح تكون حلوة الا اذا لعبوا في الشكل اللي خلقه لها الله و ينحتون فيها على كيفهم كأنهم ينحتون تمثال.
اللي يقهر أكثر في الموضوع انهم يصورون اللي يصير في داخل غرفة العمليات و الاطباء مفرفشين و مستمتعين قي وقتهم و يعلقون ما كأن اللي مسدوح قدامهم على طاولة العمليات بشر( يمكن عشان يوهمونا ان هالنوع من العمليات سهل و ما فيه آثار جانبية!!!) و المشكلة الأكبر انهم يطلعون في المرة عيوب ما ادري من وين، حتى انهم يقولون لها يحتاج لك سحب دهون من المنطقة اللي بين الكاحل والساق علشان الساق تطلع انثوية أكثر!!!!!! وهي مصدقة المسكينة!!!
اللي شافت الحلقة أمس أظن انها تتفق معي ان الشقراء كانت أحلى قبل ما يلعبون بحسبتها!
( ترى لو تمسكهم جويل اللي في برنامج بالصراحة أحلى راح يطلعون أحلى بدون هالعمليات)
الأدهى و الأمر أنهم يركزون على ان تغيير الشكل راح يرجع لهم الثقة بالذات و يصلح اللي انخرب من حياتهم. أنا ما أقول لا الشكل له دور بس صدقوني ما هو مصدر الثقة (يمكن يكمل الثقة بس ما هو مصدرها) الثقة تجي من الداخل ومن المعرفة (كل أنواع المعرفة) وهذي كلمة قالها عالم الفضاء المصري فاروق الباز و هو صادق فيها مية بالمية الثقة تأتي من سعة الاطلاع و تنوع المعرفة.
اللي أبي أقوله يا أخواتي لا تصدقون انكم بحاجة لعمليات تجميل تخليكم في النهاية مسخ مقلد لفلانة و علانة من الساقطات، كل اللي تحتاجونه عشان تصيرون حلوين، شوية اهتمام و شوية ذوق وروح جميلة وراح تطلعون كلكم أقمااااااااااااااااااااار:27:
طولت عليكم؟؟؟؟؟؟؟؟
السموحة!!