السلام عليكم ورحمة الله و بركاته...
حبايبي بنات عالم حواء مشكورات على الردود و الرسائل الخاصة اللي أثلجت صدري و الله إنكم عطيتوني أمل و رفعتوا من معنوياتي...

حبيبتي نوض..
مشكورة عالنصيحة الغالية و فعلا قاعدة أدور ماي زمزم علشان أخلي شيخ يقرالي عليه.. و شريت حمام زيت ويلا و بستعمله اليوم بإذن الله..

الغالية ترف حبيبي..مشكورة مشكورة يا قلبي عالصور و الفكره اني أقوله مغيرة اللوك..أعتقد أول صورة هي اللي بتناسبني أكثر لأن ما تام من شعري شي..بحاول أرتبه و أخلي عمري أشبه البنت اللي بالصورة و لو اني ويهي مدور و كبير..جعل الله كل اللي سويتيه بميزان حسانتج يا رب..

حبيبتي بنت الكويت العسل..ألف شكر على ذكرج تجربتج و طريقة علاجج لأني تعبت و أدور دكتوره مختصة بالشعر جريب مني بس ما حصلت..وان شاء الله بحاول أطبق نصيحتج..وبخصوص نصيحتج عن الزيوت إن شاء الله والله حالفة ما أقاطع الزيوت خصوصا ان الكل اتفق و نصحني عليها قالوا ما شي الا الزيوت ترجع ما أفسده الدهر..
و بخصوص ريلي ما بطريله شي..أخاف منه ياكلني بالنزاعه و بعدين بالتطنيز تراني و الله ما ناقصة..بقوله تغير لوك مثل ما قالوا حبيباتي..

أيام الحزن..الله يبعد عنج الحزن يا عمري و يجعل أيامج كلها هنا..عن جد عمري أنا قاطعت الاستشوار بس بستخدمه للضروره القصوى اللي هم اليومين اللي يقعدهم ريلي و ياي مع اني ما طايقته و شعري ما ناقص..

دمعة صامته..مشكوره على مرورج و مشاعرج الطيبة يا قلبي و ربي لا ابتلى مسلمه بلي ابتليت فيه..

شيخة قطر..وربي ريحتيني بس قلتي انج غيرتي رايج و ما بتسوين اليوكو و الحمدلله لحقت عليج قبل لا تسونيه و تلعبي في بيزاتج و بشعرج..صدقيني هذا سم سم ..وعندي زيت الحشيشه خلطته مع عدة زيوت و استخدمه..

عين البحرين..مشكورة حبي على نصيحتج الطيبة و فعلا مافي مثل كتاب الله الشافي لكل الامراض و العلل..وبخصوص ريلي البارحة ما رمت أنام الليل من الكوابيس اللي تيني و الله اني بت مخترعه و أفكر شو بلبس..كيف بتمكيج..كيف بعدل القصة و خاصة ان ريلي أهم شي عنده يشوفني بكامل اناقتي ما تتصورين وايد يهمه هالشي ولا شو مخلني مرعوبه بس الله يقدرني و أطلع حلوه بعينه..اختي تقول اقري "وجعلنا من بين ايديهم سدا و من خلفهم سدا فأغشيناهم و هم لا يبصرون" علشان لا يلاحظ شي مب زين..

مشكورات الغاليات عالنصايح و لولاكم بعد رب العالمين كنت ما أعرف شو بسوي .. و ربي يجعله بميزان حسناتكم و صدقوني ما بنساكم مع خاص الدعاء.

حبيبتي والله قلبي عورني عليج هم انا كنت مفكره اسويه مع ان شعري زين بس قلت بدال الكيرلي يصير ناعم
الحمدلله اللي ردني
حبيبتي نصيحتي ثومه مدقوقه مع حمام زيت لازم تخففينها علشان ماتصير حاره عالشعر وزيت زيتون سخنيه شووووي دفيه يعني وفركيه براسج على شكل مساج وقبلها لو تقرين فيه بس المعوذات والله والله اسبوعين ويفرق عليج شعرج
وترى هالسوالف تصير وايد وصدقيني ربه ضاره نافعه يمكن تصير هالقصه سبب في انج تعتنين بشعرج ويصير احلى من قبل
انا صار فيني العن من جذي والحمدلله الحين كل من يقولي شعرج يهبل ومتغير
نصيحتي لج بعد لاتستشورين ولو اضطريتي استشورس الغره بس ادري شكل الشعر مو حلو بس ارحم من حرقه بالاستشوار
واذا مليتي حطي اي ماسك بشعرج على شكل جيل وتكون ريحته حلوه وهذي ضربتين بضربه منها فايده ومنها شكل مرتب بالبيت
الله يهدي بالج ويعوضج خير ويخلي زوجج ينعجب بشكلج اليديد يااااااارب

لا تزعلي نفسك حبيبتي ...الشعر بضاعه مخلوفه...انشالله اللي يطلع احسن من اللي راح...

الله يصبرك ويهدي بالك...

نصيحتي لك اهتمي بشعرك مثل ما قالو الاخوات ... واذا تبيه يطول استخدمي له الوصفه هاذي :

جرجير+ بيضه+ فص توم: كله في الخلاط وحطيه لمدة ساعتين مرة كل اسبوع

ايه صاجه اختج اقري عليه وكبري في ويها ثلاث مرات والله راح يربط اللسانه ودوم قولي يارب جملني في عين زوجي ترى ربج ماينسه عبده لين دعاه بس مثل ماقتلج عليج بالخضر والحمر

العفو ياعمري, حبيبتي امس شفت صوره من ماك عندي وتذكرتج لان الي فيها شعرها مثل اول صوره, و في حركه حلوه قلت اقولج تسوينها قبل لايرد ريلج ان شاء الله تلحقين,
شفتي الشرايط الناعمه الي في منها عرض 3سم و 1سم و...الخ
اخذي مو اضعف وحده الي جنها خيط لا, في تكون ضعيفه حلوه مثل شرايط ملابس الاطفال,
و ربطيها وخلي الورده صغيره بدون زوائد فوق على جنب, و كان لونها بنفسجي باذنجاني غاامج حلوو و الشدو ناعم ايحاء الرمادي والبنفسجي الباذنجاني مخفف, والشفايف تقريبا ولا شي حمره مات بدون لمعه وردي طبيعي فاتح بس حاولي ترطبين شفايفج وايد قبلها, و البلاشر اننننعم شي تقدرين عليه بس مسحه اثر وردي خوخي, عاد الملابس انتي تفنني :p خليهم كيوت,
ونسيت اقولج الشرايط عند اي محل خامات/كلف/ ادوات خياطه و زينة ملابس...الخ