اللهم بارك فيها ولا تحرمها الاجر والثواب
اشكر حبك للغير واشكر روحك الطيبة يالغلا
اللهم بارك فيها ولا تحرمها الاجر والثواب
اشكر حبك للغير واشكر روحك الطيبة يالغلا
الله ياخذهم معقولة هذا الكلام مع اني اموووووت عليه الله يحمينا ويحفظنا ويستر علينا والله سار الواحد يخاف من كل شي مشكووووورة اختي على المعلومةالله ياخذهم معقولة هذا الكلام مع اني اموووووت عليه الله يحمينا ويحفظنا ويستر علينا والله سار...
الله ياخذهم علشان كذا انتشرت الامراض من اورام وغيرها
الصفحة الأخيرة
الناس .. عشان تضيف بعض المصداقية للموضوع تكتب .. أختي .. و صديقتي .. و زوجي .. و غير و غير من المقربين .. فحصوا على الحبيبات و شافوا إنها بلاستيك ..
إختي يا صاحبة الموضوع .. بلدياتنا .. و مختبراتنا الغذائية في كل الدول الخليجية و العربية .. شو شغلتهم ؟؟؟ ما أعتقد إنه هالمنتج اللي ينباع في كل الجمعيات و محطات البترول و السوبر ماركت بيكون مسموح للبيع إذا ما كان موافق المقاييس .. و كيف يكون موافق للمقاييس؟؟ يعني يكون صالح للإستخدام الآدمي ..
سؤال ثاني .. لنفرض إنه الحبيبات فعلا بلاستيك .. من اللي بيحقن كل حبه ؟؟ لنفرض جهاز أو آله معينه دقيقة جدا .. هل بيكون سعر علبة الراني ب 1 درهم أو 1 ريال ؟؟؟ لا بتكلف أكثر بكثير ..
لنفرض إنج صاحبة الشركة راني .. هل تتوقعين إنج بترضين فيه حد يتكلم على شركتج بهالشكل ؟؟
يمكن صاحب الموضوع يبغي بس إنه يثير إشاعه و يلوث سمعة هالشركه ..
إختي فكري عدل في طرح بعض المواضيع المنقوله .. أولا هل توافق العقل ؟؟ أوهل كل شي مكتوب في أي مكان يكون صالح للنشر ؟؟؟ و للنقل ؟؟ :confused-
للعلم .. و للجميع .. تم تكذيب صحة هذا الخبر في دولة الإمارات .. من قبل مختبرات بلدية دبي ..
و تقدرين تراجعين المختبرات إذا شكيتي .. و أترك هذا الخبر أمانه للجميع ..
و تذكروا قول الله سبحانه و تعالى .. (يا أيها اللذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين .. )
هذي الآية مب لج يا صاحبة الموضوع .. لأني أدري إنه الموضوع منقول .. يعني للمصدر الرئيسي في إظهار هذي الإشاعة ..
أتمنى إنه الجميع يستفيد .. و يستحظر الله في كل كلمة يكتبها على الكيبورد ..
و أتمنى من الموضوع إنه يغلق ...