احذروا من سرقات سيتي ماكس (أمس انسرقت محفظتي) :(

بسم الله الرحمن الرحيم

والصلاة والسلام ع نبينا محمد وعلى آله وصحبه اجمعين ,,

امس يابنات تعرضت لموقف الله لاوريكم اياه ,, رحت امس لسيتي ماكس الي ع طريق الملك عبدالله
وكان زحمممممه مرررررره وضاق خلقي من الزحمه ومن السرى ع الكاشيرات ,, قلت بقلبي متى يمديني
اطلع مع الزحمه ذي

المهم اختي خذت دور وانا جلست اشتري ورحت ادور اختي بين العالم وطبعا انتم عارفين ان كاشير الحريم
لحال والرجال لحال
وقف ورى الطابور واعطي اختي الاغراض وحسيت ان فيه وحده لمست شنطتي ناظرت ورى والقى ثنتين
طويلات سمرات او عبدات وكلنا عبيد الله يوم التفت اناظرهم اسكتوا وجالسات يناظرون فيني انا حسيت انهم خذوا شي بس كنت مشغوله ولا شكيت ابدددد انهم سراقات يوم سلمت اختي اغراضي لقيت سحاب شنطتي مفتوح ويوم دخلت يدي باخذ الجوال ومااااالقيت بوكي ,,, قسم بغيت اطيح من طولي عرفت اني انسرقت
وارووح ابلغ السكيورتيه وماسوا ولا شي يقولون شلون شكلها اذا تعرفينها حاولي تطلعينها

والله جلست اتكلم بصوت عالي واقول ترى الي خذت البوك مافيه الا ميه ريال ابيها ترجعلي بوكي حرام عليها
فيه صرافاتي الثنتين وفيه بطاقه احوالي وفيه اوراقي وفيه فواتير وفيه اوراق بنوك وتحويلات احتاجها وفيه اشياااء كثيرررررررررررر محتفظه فيها

ودخلت اليوم ع النت واكتشفت ان الحركه مشهوره بسيتي ماكس مع الزحمه والسرى عند الكاشير يسرقون المحفظه وانتي ماتحسييين
حسبي الله عليها حسبي الله عليها حسبي الله عليها
اللهم ياجامع الناس في يوم لاريب فيه اجمع بيني وبين ظالتي ...

والله حبيت انزل الموضوع لاخذ الحيطه والحذر ,,, انا لليوم تعبانه نفسياا بسبه السرقه
استغرب من ناس ماعندها ذمه وضمير وتبيع اخرتها عشان فلوس حرام مابها حتى بركه ,,وياليتها بتلقى فيها خزنه مافي ببوكي الا 100 ريال ماتعامل الا بالصراف انا وش استفادت حسبي الله عليها

مواصفات بوكي احمر يمكن وحده فيكم تلقاه ,,,وكل شي خيره الحمدالله يآرب