احذروا هذه القاعة ....

السلام عليكم

بنااااات ترى اللى تبي تحجز لزواجها في القاعة اللى قريب عن العزيزية
اسمعا بلنسية - قبل جسر البحرين ..................

لا تحجزوهااااااااا

لان كهربتها ضعيفة وتوزيعها سيئ جدا جدا
وانا بقول لكم السالفة وانتوا احكموا بنفسكم

كان في نظام الدي جي وفي طقاقات ( اسلامي ) يعني مافي اورق ولله الحمد

يوم كانوا الطقاقات اجهزتهم في الكهرب كان الدي جي يقطع كل شوي
ويوم قاموا الطقاقات على العشا وافصلوا الكهرب اشتغل الدي جي مثل العسل ساعة كاملة
ويوم رجعوا الطقاقات شبكوا الكهرب رجع يقطع الدي جي
ويوم خلصوا وفصلوه رجع الدي جي حلو

فصار في ضغط على الكهرب ولا اتحملت اضاءات الكوشة والطق والتصوير والدي جي

والطقاقات بعد قطعوا مرتين مرة قبل لا تدخل العروسة ومرة بعد ما دخلت
حتى يوم الطقاقات فصلوا كهربتهم حسينا ان الثريا صارت اقوى

فلا تحجزونها والا بتتفشلون
او قولوا لهم يعدلون توزيع الكهرب فيها

وشكرا لكل من مرت على الموضوع وعسا يفيدكم