احذرو الخطابات شوفو تجاربي معهم

مساء الخير
اولا لا أحد يدخل ويقولي الخطابات بعضهم فيهم خير من واقع تجربتي كل همهم الربح المادي وتمشي الخايس الي عندها انا قبل اتزوج كان عمري ٢٨ سنه كنت جالسه في البيت بعد التخرج لاشغله ولا شي عشت فراغ وبس اطالع الي اصغر مني يتزوجون ينخطبون وبس اسمع فلانه خطاها واجد حتى الأرامل والمطلقات وانا ولا احد طرق بابي وزياده اهلي وتعاملهم هم سبب الي دفعتي الجائ الخطابات ابغى بس افتك وجمعت تقريبا ارقام ٤٠ خطابه تخيلو اخذتهم من النت وكل وحده تدلني على خويتها الخطابه قلت حلو زيادة الخير خيرين فكنت كل يوم اتصل على مجموعه واحط مواصفاتي ورقمي واول ما يعرفون عمري ٢٨ قالو كبيييييره الي عندنا يبون بنات صغار انت لازم تتنازلين أقبلي بمعدد او معيل قلت لا ما ابغى هذولا يعني عندهم المترديه والنطيحه وتحاول تقنع البنت انها غير مرغوبه عشان تقبل في الي عندها لا وتبغى ٥٠٠٠ريال شوفو تجاربي
١- وحده وانا اكلمها تكلم الرجال من جوالها الثاني رغم اني كنت انبههم ما يختبرون الرجال اني انا اتصلت عليهم فكانت بكل وقاحه تسئلني والرجال معها على الخط تقول فلانه انت سمراء ولا بيضاء ويتصل الرجال كنه مو صاحي يقول وين ابوك او اخوك ابي اخطب انا الغيت الموضوع
٢ - وجده تقول لي تنازلي عندي واحد أرمل عنده ٦ اطفال والمسكين محتاس يستأذن من دوامه عشان يطلع يطبخ لهم قلت ما أبغاه قالت فكري ترى عمرك كبير
٣- وحده قالت لي حولي لي الف وادور لك رجال من تحت الارض واذا تم الموضوع ابغى ٤٠٠٠
٤ - وجده قالت مممكن اعطي الرجال رقمك ويتواصل معك
٥ - وجده كنها تهاوش يوم قلت لها ما ابغى معدد القت علي محاظرة طويله اني كبيره ولازم اتنازل مافيه اعزب يقبل بعمري الا وحده من أقاربها عمرها ٣٠ وخطبها اعزب ليش انه مريض وعاطل ولو انه مو عاطل ولا مريض كان ما فكر فيها كذا قالت لي وقالت انت يوم كنت صغيره ليش كنت تردين الخطاب يعني كلامها زي السم
٦ - وحده ذكرت لي واحد صغير مره بس مختل شوي قلت لا ما ابغى قالت جميل وبعدين قالت عندي واحد مسجون عادي أقبلي فيه وزوجي مسيار وروحي زوريه في السجن
٧- وحده جابت لي واحد ولما سئلنا عنه قالو سكير ومش مضبوط ابدا والكل يحذر منه الخطابه هذه رشحته لوحده ثانيه قلت لها كيف ترشحينه لها وانت عارفه بلاويه قالت انت شكل اخوانك يكذبون عليك تخيلو قلت ذنبها في رقبتك
٨ - وحده اسمعها تكلم شاب صغير عمره ٢٢ ويقزل لها تكاليف الزواج على أهل العروسه يعني بالله عليكم شاب في هذا العمر هو من نفسه يكلم خطابه ويتكلم من الان في تكاليف الزواج ليش ماعنده ام او خوات
٩ - وحده جابت لي مريض نفسي تقول عادي تجيه حالات يسكر على نفسه الباب ويشرب دخان وأمه تقول ابغى اي بنت والسلام اهم شي تقبل في حالة ولدي
انا اذا قلت لهم ما ابغى شوفي لي واحد آخر يبدئون الموال انت كبيره كبيره تنازلي ترى عمرك مافيه احد يقبل ووووووالمشكله انا الغبيه الي ماعندي ثقه في نفسي كنت أصدق كلامهم واني صدق لازم اتنازل بس الحمد لله اني ما ز تيت نفسي وغيرهم كثير من مواقفي مع الخطابات لو اكتب كل تعبت