احذرو الخلطات شوفو وش جاني اليوم

تأخر الحمل

السلام عليكم ورحمة الله وبركاته


بدش على الموضوع على طول


انا اليوم بالنسبة لي خامس يوم بالدورة وقريت موضوع الاخت الله يجزاها الف خير عن اللي تبي تحمل في 3 ايام علاجها الميرامية وكوب الحليب بالعسل وعين الجمل او الجوز


الله لا يوريكم وش صار فيني


شربت بس كوب ميرامية العصر الساعه 5 تقريبا والله ماجات 7 ونص الا وانا في الطوارئ اصيح صياح تقولون طلق جاتني الام اعوذ بالله الله لا يعيدها شي ما اقدر لا اتحمله ولا اوصفه اعطوني المستشفى ابره فولترين مسكنه ومافاد فيني لسى ابكي من الالم وعطوني بعدها ابره مره قويه نسيت اسمها ويارب لك الحمد والشكر خفيت ونزيف الله لا يوريكم هذا وانا بخامس يوم بالدوره كنت متوقعه اطهر بكره


والله خفت لو صار شي في مبايضي ولا رحمي وش استفيد انا


مع اني سبحان الله جسمي متعود على الميراميه قعدت فتره زمان تقريبا سنتين اشرب فيها واوقفها وقت الدوره فهذي اول مره اخذها وقت الدوره


وتوبـــــــــــــــــــــــــــــــــه من الخلطات ومن كل شي توبه لأنها سبحان الله تناسب جسم وجسم لا يعني لا يمكن حتى تسوين اختبار هل تناسبك ولا لا على طول يجيك المرض لو ما ناسبك


ونصيحه مو كل شي تجربونه انا تبت ولا عاد بعيدها


والله موضوعي مو تخريب على الاخت اللي ماقصرت وادري ان نيتها خير بس سبحان الله انا ماناسبتني على ان تجارب بنات كثير قريت انها فادتهم بس العلم عند ربي وش يضرك وش ينفعك




بقعد على الكلوميد والابر على الاقل تحت اشراف طبي ونصيحتي لكم يمكن هالخلطات تزيد بلانا ولا تنفعنا


الله يشفينا كلنا يارب ويرزقنا عاجلا :44:
28
2K

يلزم عليك تسجيل الدخول أولًا لكتابة تعليق.

تسجيل دخول

ooo_ooo
ooo_ooo
الحمدالله على سلآمتك
المصممة ندى
المصممة ندى
الحمدالله على سلآمتك
الحمدالله على سلآمتك
الله يسلمك :)

:26:
ام ياسر^ـــ*
ام ياسر^ـــ*
سلامتك والله وانا انصح كل الحريم اللي مافيهم شئ يعني سليمات من العلل لالالالالالالالالالالالايلعبو في انفسهم
عندي حلم
عندي حلم
الحمدلله على سلامتك والله يجبر بخاطرك ويرزقك ما تتمنين بدون علاجات وخلطات
بنت القصيم2009
بنت القصيم2009
انا مره اخذت خلطه وناسبتني واخذتها اختي ولاناسبتها تعبت من الألم