مساكم الله بالخير
لولا حبي لهذا المنتدى وخوفي عليكم ما كان كتبت عنها وانا ما ارجو الإساءة لها بس حابه انبهكم لأني أعرف الحامل كيف تكون محتارة عند مين تراجع وايش يكون شعورها لما تقابل دكتورة زي دكتورة هبه سالم في مستشفى مشهود لها بالرقي
حأدخل في الموضوع
انا من يوم ما حملت وانا ما خليت مستشفى رحت التخصصي عند دكتور مازن بشارة بس كان مررررررة زحمه هو انسان جدا خلوق ولما اتلغى التأمين قلت لعلها خيرة لاني كنت اروح بالاربع والست ساعات وفي النهايه مو هوه يقابلني تقابلني الطبيبه المناوبه الهنديه فما عجبني الوضع
رحت المتحدون عند دكتورة ناهد كانت جيده وسمحه بعدها رحت عند وحده اسمها فاطمه النمري في المتحدون برضه لان كان في غلط في تسجيل الموعد مع دكتورة ناهد فقلتلهم خلاص دخلوني عند اي وحده لاني كنت ابغى اعمل الترا ساوند بس فدخلت عند كتورة فاطمه
وبصراحه كانت دايه مش دكتورة مهي عارفه تستخدم الاجهزة وقعدت تخبط على بطني بقوة عشان يتحرك البيبي عشان تشوفه بالترا ساوند
بعدها رحت عند دكتورة هبه وقالتلي اختي تراها جفصه يعني اخلاقها مو مرة بس خياطتها كويسه ورحت وكانت اخلاقها مرة سيئه وكلمه ورد غطاها حتى ما تطالع
في الاخير رحت عند دكتور خالد خداوردي في مستشفى الطبي الدولي وكان دكتور مفاجأه رهيب وخلوق بمعنى الكلمه واتكلم معايا وشرحلي وبصراحه اعجز عن وصف تواضعه واخلاقه وطبعا كل اللفه دي وانا وصلت الشهر السابع وزوجي قلي خلاص لا تغيري ترى الدكتور ممتاز ومحترم
بس لما رحت الزيارة الثانيه قالولي التامين اتلغى وكانت اختى ولدت وحضرت ولادتها مع دكتورة هبه وكانت وقت الولاده ماشي حالها وانسانه جيده قلت خلاص ارجع لهبه وياليتني ما رجعت
رحت امس اول ما دخلت فتحت الباب قالتلي
إيه خير في إيه
قلتلها: انا فلانه ووو حامل قالت أه وبعدين قلتلها عادي بس عندي امساك وتعبانه شويه مع الحمل..........؟؟؟(كان استجواب كأني جايه اشحت ما كأن قدامها ملف )
عملتلي السونار
زوجي قالها : كيف البنوته
قالت :صغيرة
قلت: كيف وزنها
قألت : انتي حامل في 34 اسبوع والبنت عمرها 32 اسبوع
طبعا كنت حأموت خفت ان صار شيء في المشيمه ليش البنت ما بتكبر
وقعدنا وصرت اسألها وهيه ترد من غير ما تطالع فيا
قلت : طيب يا دكتورة ايش معناه انها في 32 اسبوع وانا في 34
قالت : معرفش
قلت : طيب والتعب الي انا فيه من دا الموضوع
قالت : معرفش
قلتلها طب اعمليلي موعد اشعه
قالت : انتي الي تعملي مش انا
قلت : طيب قصدي اكتبلي ورقه
قالتلي : عاوزة تاخدي ادويه ايه
تخيلو
قلت : انا باستخدم كذا وكذا وكذا وهيه صمت ما قالت استمري او لا تستمري ولى شيء
تخيلو شعوري انا بمووووووووت من القهر وخايفه على البيبي وهيه ما ترد
قلتلها : طيب متى اجي مرة ثانيه
قالت بعد ما طالعت وشالتني وحطتني : تعالي بعد ازبوع (اسبوع)
هذا غير انو عندها ممرضه بس تنافخ وهيه بتقيس الضغط ومهي عارفه تاخذ ضغطي
خرجت وانا الدنيا تلف فيني
خايفه على بنتي
وزوجي حزن عليا رسلت مسج للدكتور خالد خداوردي طبعا هوه يعطي رقم جواله زي كل اطباء الطبي الدولي وشرحتله الموضوع تخيلو كان ليل
اتصل عليا
ورحت الطبي الدولي عشان اعمل سونار وتابع حالتي وعملولي تخطيط وكان اهتمام وعنايه وتعامل ممرضات رائع لدرجه اخذونا من الطواريء ووصلونا لفوق عند الولاده وطمني كتير
يعني ايش كان صار لو طمنيني؟؟
وبس ايش اقول
حسبي الله ونعم الوكيل
alsultanah @alsultanah
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ذكرتيني بدكتوره اسمها ساميــــه بمستوصف الدخيل بتبوك
تعاملها هي وممرضتها زي وجيههـــــم مالت عليهم
كأننا بفلوسهم جايين
.....