احذرو مشغل ريم الفلا حسبي الله عليهم

يابنات انتبهو لا تروحو لمشغل ريم الفلا الموجود في اسواق الاندلس حطيت عندهم فستان ب 2500
على شكل تنورة وبلوزة وقالو لي بعد شهر مر شهر وجيتهم وقالو بعد اسبوع وجيتهم بعد اسبوع وقالو لسا ماخلص بعد الهواش طلعوة بعد اسبوع ثاني يوم شفتة . ليتكم ماتشوفون هاك الشوفة.
مو شغل خياطات والله العظيم انة مو شغل خياطة ابدا شكلهن بساطات او حبشيات مسكوهن وقالولهن
وش رايكم تصيرون خياطات قالن طيب.
البلوزة مصيبة جبت لهم الوان دانتيل وزينوها متداخلة وقلت لهن تعرفن قالن ايوة ايوة نعرف
وش صار الالوان كلها فوق بعض من قدام من وراء حطن لون واحد بس . على جنب البطانة لحالها
اللي بيشوفة من بعيد بيعرف انة خربان .
ضاق صدري مرة قلت وش هاللشغل 2500 راحت . لا والتنورة رافعينها واصلة لركب والبطانة طالعة
ومجمعينها عند الخصر شي بس الله لايوري مسلم .
بعد الترجي طلعت التنورة حليوة والبلوزة يخلف الله عليها لا ويقولون جيبي دانتيل ثاني ماكفى
مع العلم اني جبت لهم مرتين شي يلحف حمار. دخلت علينا وحدة كبيرة في السن مع بنتها وقامت تصيح
حرام عليكم وين فستان بنتي قالن لها مو عندنا روحي دوريه في فروعنا الثانية
قالت لهن انا نزلتة عندكم هنا وقلتو لي بعد شهر ويوم جيتكم قلتو مو عندنا وهذي الفاتورة
حقت الفستان ومع ذلك رحت لفروعكم وقالو مو عندنا اللي 3 شهور وانا ادور علي الفستان
رجعوة او عطوني حقة محد عطاها وجة قامت تحسب الله وطلعت