********
انا عضوة جديدة بس مش قوى
بس اول مرة اكتب موضوع فى المنتدى
وعايزة احلى تشجيع
ويارب يعجبكم وابقى خفيفة عليكم
نبدأ بسم الله
******
خمس اشياء لو بدأتى بيهم يومك يبقى ضاع بركة اليوم
تعالو نتعرف على الخمسة اشياء اللى لو بدأتى بيهم يومك يبقى عليه العوض
ضاع بركة اليوم
اول شيء
التليفزيون
اه والله مصيبة من مصائب الزمن
فى ستاااااااااااااااااات كتير أول ماتقوم من النوم اتوماتيكيا تشغل التلفزيون ودة لانها
متابعة 50 تمثيلية اتفرجت على 20 منهم بالليل ولان الليل ماكفاش قالت الصبح
اكمل الباقى هههههههههههههههههه وفى ستاااااااااااااااااات تانية تفتحه لمجرد انه
يعمل صوت معاها فى البيت ويسلى وحدتها اصلها من النوع اللى ماتعرفش تقعد لوحدها أولادها التسعة فى المدرسة والثلاثة الصغيرين لسة نايميين وجوزها فى الشغل فالست قالت افتحه اهو منى اعمل شغل البيت ومنه يسلينى وطبعا كالعادة ماسكة
المقشة وحتة التنفيض وواقفة امام التلفزيون تشوف الحتة اللى فاتتها امبارح من الفيلم
وبعد ماخلص الفيلم جت تخرج علشان تبدأ شغل البيت لاقيت برنامج كان نفسها تشوفه
امبارح بالليل بس جوزها كان جيه وقلبه ع الاخبار وبعد ماخلص البرنامج يعنى عليها
جت تقوم علشان تبدأ التنضيف جيه المسلسل التركى اللى بقالها سنة متبعاه ومش
معقولة بعد دة كله حاتسيبه وهو فاضل عليه 97 حلقة ويخلص ههههههههههههه
طب بزمتكم مش بيحصل ؟؟؟؟؟؟؟؟؟؟
****************
المصيبة التانية
التليفونااااااااااااات
سواء الارضى او المحمول وطبعا جايبلكم 4 موبيلات ماهو دلوقتى اى حد بيمشى لازم يبقى معاه على الاقل 3 موبيلات ورابطهم باستك ماهو كل موبايل عامل فى خاصية لكل شبكة واتكلم براحتك وكلم كل الناس وطول النهار وبلالالالالالالاللاش
هههههههههه بعض الستات اول ماتصحى من النوم تروح ماسكة التليفون وتقول حاصبح
بس على ماما لانى ماسمعتش صوتها من امبارح وحشتنى قوى والرغى يشتغل ساعة ورا التانية وبعد ساعتين من الرغى تقولها سلمى بقى على بابا ماهى امها
خلفتها لوحدها والاب دة منسى خالص اه والله مش بيحصل ساعات؟؟؟؟ وبعد ماتخلص
مع ماماتها صاحبتنا دى حاتقوم علشان تبدأ شغل البيت التليفون يرن يوه بقى
ده انا لسة بقول ياهادى تطلع واحدة صاحبتها وهاتك يارغى يفوت ساعة كمان وبكدة
ضااااااااااااااااااع الوووووووووووقت ياولددددددددددددددى ...
بزمتكم مش بيحصل ؟؟؟؟؟؟؟؟؟؟؟
*************
ثالث مصيبة
الكمبيوتر
حدث ولا حرج االنت والشات والاغانى الخ الخ الخ
وخاصة لو دخلنا منتدى شيق ومفيد زى منتدى عالم حواء نبقى مش عايزين نسيبه خالص
***************
بزمتكم مش يستاهل ؟؟؟؟؟؟؟؟؟؟
ماتنسوش الدعاء يافتوكات
والتقييم
****************
الشىء الرابع
الجيرااااااااااان
بعض الستات بتموت فى قاعدة الجيران والست اول ماعنيها تفتح
تجرى تنده ام اسماعيل تيجى تفطر معاها أصلها يعنى مافطرتش الصبح
لان أبو السباع حب يصحيها الصبح علشان يفطروا سوى
قبل ماينزل الشغل قالتلوه سبنى انام شوية دة نايمة متأخرة طبعا لانها
كانت بتابع الحلقة 395 من المسلسل التركى بتاع مهند طبعا مش
ام اسماعيل بس اللى حاطفطر معاها دة البرج كله معزوم الفطار
وكمان دة مش حيبقى فطار وبس دة حايبقة حكاوى القهاوى وغيبة ونميمة
هههههههههه وضاع اليوم ياولدى
بزمتكم مش بيحصل ؟؟؟؟؟؟
*************
خامس حاجة
الاستيقاظ من النوم فى وقت متأخر
فى ستات كتير بتصحى من النوم الساعة 3 العصر صح ؟؟؟؟؟؟؟؟
طب دى بقى حاتلحق تعمل حاجاتها امتى بلالالالالاش طب حاتصلى
الصبح والظهر مع العصر ولا ايه ؟؟؟؟؟
واللى جوزها بيجى بدرى من الشغل حاتقوله ادخل قايلك شوية عقبال ماخلص
الغدا طب حانقول جوزها بيجى من الشغل بالليل طب والاولاد لما يرجعوا من
المدرسة حايتغدوا امتى ياترى حايستنوا لما الغدا يخلص ولا يعينى يدخلوا
يناموا
بزمتكم مش فى ستات بتصحى الساعة 2 و 3 من النوم
وبكدة ضاع اليوم ياام محمد
***********
ياجماعة ماحدش يزعل من موضوعى
يمكن اكون مبالغة شوية للفرفشة مش اكتر
بس انا لم أخص حد بالذكر لانى بالطبع ماعرفش كل واحدة فى بيتها
بتعمل ايه انا موضوعى عام للافادة مش أكتر يعنى اللى
شايفة نفسها أم محمد أو أم أسماعيل والحاجات اللى قولت
عليها دى بتضيعلها وقتها تحاول تقنن استخدامها
كلنا مش حانقدر نستغنى عن التليفزيون لانه مش للافلام ولا
المسلسلات فقط اكيد فيه برامج مفيدة وبنتعرف منه ع الاخبار
بس مافيش داعى لمتابعة تمثلية تركية مالهاش نهاية ويعنى
ايه اربط نفسى بمسلسل 577 حلقة ههههههههههههههه
طبعا انا معرفش كام حلقة انا بمزح
ولا نستغنى عن التليفون لانه بيقرب البعيد ونطمن فيه على
اخواتنا واقاربنا واهالينا بس بالاصول وفى اوقات الفراغ ونقنن
الوقت يعنى مانقعدش نرغى بالساعات وننسى نفسنا وبلاش
الصبح لان فعلا والله بيبقى اليوم مافهوش بركة وبيضيع الوقت
و الكمبيوتر برضوا ما نقدرش نستغنى عنه بس اهم شىء الاستخدام الصح
وفى الوقت المناسب يعنى نعمل حسابنا لو حبينا نفتحه الصبح يبقى يادوبك
واحنا بنفطر ندخل نصف ساعة ونقفل وبعدمانخلص
شغل بيتنا نبقى نفتحه زى ماحنا عايزين
اما الجيران بقى
انا بالنسبة لى مالييش صلة خالص بجيرانى لكن فى مننا له جيران
مايقدرش يستغنى عنهم وماله ياستى مش عيب ولا حرام بس الحرام بقى
انى اول مااصحى الم العمارة كلها ونقعد نجيب فى سيرة الناس ونغضب
ربنا وناخد سيئات دة غير الوقت اللى حايضيع ومش حانلحق نخلص
شغل بيتنا وأكلنا علشان ازواجنا وواولادنا لما يرجعوا يلاقوا غداهم
ونرضى ازواجنا ونراعى اولادنا يعنى زيارتك لجيرانك لها حدود
ومواعيد وكمان زيارتهم ليكى لازم تبقى مقننة واوعى تتكسفى من حد
يعنى لو جت جارة خبطت عليكى فى وقت غير مناسب او وانت بتعملى
حاجتك استأذنيها واعتذريلهاوعرفيها انك مش فاضية واعطيها معاد تانى
تزورك فيه وحكاية الزيارات دى طبعا مش كل يوم وماحدش يزعل
لان بيتك وجوزك واولادك اهم من الجيران
أخر حاجة
الاستيقاظ مبكرا فه بركة وياسلام لو الواحد حايبدأ يومه بالصلاة
والاذكار والدعاء
حاولى يااختى بقدر الامكان تظبطى نومك ولو الراجل بيسهر اسهرى شوية معاه
مش ضروروى نسهر معاه لغاية الفجر ده هو اللى غلط مش انت يعنى
اسهرى معاه لغاية الساعة 12 أو واحدة وكفاية عليه كدة
**********
ملحوظة الموضوع دة مش منقول دة من مجهودى الشخصى انا نزلته مرة واحدة فقط فى منتدى اخر مشتركة فيه من زمان بس بعضوية تانية
بس غيرت فى عنوان الموضوع
وحبيت افيد بيه اخواتى هنا
ولو الادارة عندها اعتراض
تفعل ماتشاء واحترم ماتراه
استودعكم الله