احذري من اختك اكثر من الغريب 💔

سمعت خذلان من كل الناس وقصصهم وحياتهم بس ماشفت مثل خذلان وحسد الاخت لختها
والله انها حسوده وحقوده ودست لي السم بالعسل وماكنت ادري لاني على النيه يوم كشفتها كانها صفعه عالوجه بس فيه شي يواسيني يوم اسمع( وعلى نياتكم ترزقون)
اقول ربي يرزقها ع نيتها الشينه تجاهي ... انا كنت اقولها اسراري زوجيه واخذ منها نصايحها خربت سمعتي وسمعت زوجي وكانت تشجعني قولي وقولي وقولي يوم طاح الفاس براس قامت تقولي عادي مافيها شي وكانها فرحانه باللي صار نتيجه نصايحها هي كانت امي وابوي مااستشير احد الا هي ونصايحها ماتطبقها ع نفسها
حتي احيانا تقولي كلام عن زوجي اطلع من عندها ضغطي مرتفع عليه واتفشش فيه واصدقها
وحتي مع الناس اذا جيت ابغا ازور احد تقولي مالو داعي مالك صلاح وثاني يوم تدق عبايتها وتروح عشان يكون المدح لها اول شي
وماكنت ادري عبالي عندها حكمه في الموضوع الين وصل التاثير علي حياتي الخاصه واولادي
صحيت من النوم والغباء اللي فيني تجاهها ووقفتها عند حدها وبعدتها عن حياتي وانقذت ماتبقى الله لايسامحها لادنيا ولا اخره
ضرتتني كثيررررر انا وزوجي ياليت نصايحها كانت من باب المحبه كانت من باب الحسد ان حياتها تفرق عني وترتاح اذا شافت الناس تضحك علينا وانا كنت مثل المغمضه على بالي انووو حريصه علي
(عند الله تلاقى الخصوم)
وماراح اسامحها لاكن قدامها مابين لها حاجه عشان صله الرحم بس
لاني انا المغفله اللي ماصحيت الا متاخر حسبي الله ونعم الوكيل نصيحه تكفون لاتسمعووو نصايح من احد بحياتك مع زوجك يابنات
ادعولي ان الله يشرح صدري ويصلح اولادي لي