السلام عليكم ورحمة الله
السالفه ومافيها اني بين فتره وفتره تجيني حالة خوف الحين بدت تخف
المهم في احد الايام قالتلي خالتي ليش ماتروحين طبيب نفسي انا اعرفه وكويس ووو
انا فكرت وشاورت امي وابوي وتوكلت على الله ودقيت ع العياده واخذت موعد ورحت وكان معي اخوي والعياده كانت مجمع فيه عدد من الاطباء النفسيين فقط
المهم دخلنا ع الطبيب (كان من جنسيه عربيه وله لحيه سودا كبيره)حكيتله عن مشكلتي وهداني وقرا بعض الايات ونصحني وبعدين طلب من اخوي يطلع وطلعت معه الممرضه وسكرت الباب
بعدها صار يسالني اساله خاصه عن حياتي وعلاقتي في زوجي السابق والتفاصيل صعب الواحد يبوح فيها وانا كنت اجاوب بخجل واقول بقلبي هذا دكتور وفاهم شغله بعدين طلب مني انام ع السرير وقمت وانا متردده وقالي استرخي وزاح عبايتي وصار يفك زراير بلوزتي وانا اقول ليش وش يبغى وحاكي عمري اشوي والا وصرت اشوفه يتنفس بسرعه وكانه مرتبك وبعدين مسك نقابي وقال شيلي هذا وقتها انا انتبهت ودفيته بقوه وقمت من السرير وفتحت الباب وناديت اخوي وانا ارجف وصارت هوشه وطلعنا والناس يقولون وش هالمجنونه<<<مالومهم لاني في عيادة النفسسيه
ورجعت للبيت وقلت الي صار لمي وابوي
ابوي ركب سيارته وراح للعياده وبعدها بشوي دق علي وقال تعالي والموضوع ماراح يمر مرور الكرام انا رفضت بس يوم لزم علي رحت
طلب ابوي مدير المستشفى وكان دكتور محترم وكبير بالسن
وطلب الدكتور الي رحتله وطبعا طلعني مجنونه وجاب عبارات طبيه تدل على ذلك وكان مرتبك حتى حط يده على يد ابوي وكأنه يتوسله انه ينهي الموضوع وقاله ابوي >>>يدك بارده مره وهذا دليل انك مرتبك 00المهم ابوي قال الموضوع رح يوصل لوزير الصحه 00وصار فيه تلاسن بس المدير كان ساكت وبعدين طلب منا اننا نسمحله يتكلم والتفت على الطبيب وقال الخطا راكبك من راسك لساسك ليش تسكر الباب وليش الممرضه تطلع وليش تنومها ع السرير ووعدنا ان الموضوع راح يكون فيه محاسبه
وبعدين قال لابوي تسمحلي اتشرف بالفحص على بنتك الحين وافق ابوي وطلعنا وعند الاستقبال كان الموظف مستغرب وقال الناس ياخذون من المدير موعد قبل بشهر
ودخلنا ع المدير وكتبلي على حبوب وانتهت السالفه وطبعا الحبوب ماخذتها الحمدلله مافيني الا العافيه وعلى قولت القايل مافيني الا الهول
نصيحه من اخت محبه انتبهي من الطبيب جلديه عيون اسنان ...وغيره لانهم ممكن يستغلوك عشان تثيري غرايزهم او فضول يبغون يشوفونك
طبعا هذي السالفه لها عدة سنوات والله ماادري عن مكان العياده ولا اسم الطبيب نسيت
استودعكم الله الذي لا تضيع ودائعه
نوف: @nof_92
عضوة نشيطة
يلزم عليك تسجيل الدخول أولًا لكتابة تعليق.
الطبيب بشر مثله مثل غيره ....... والخلوه محرمه ..... هو اول وتالي رجال حتى لو لحيه وثوب قصير ,,, سواق أو طبيب أو غيره ..... احذري من الخلوه
الصفحة الأخيرة
اصلا ممنوع الطبيب يفحص على مريضة
بدون وجود الممرضة
كيف رضيتي بهذا الشي
الحمد لله على سلامتك حبيبتي
واكثري من القران و الرقية مافيك الا العافية ان شاء الله