احذري يا اختي العزيزه

والله كلامك صحيح ، ضروري الوحده منا تنتبه ، و مااشوف اي ضروره لتبادل الارقام او المعلومات الشخصيه .!


غير المعرفات المتسترة وتتكلم بمواضيع خادشه للحياء و تتدعي الجهل وتستعطف العضوات ..!


وربي اني اليوم شاغل بالي نفس هالموضوع بارك الله فيك و الله يسترنا فوق الارض وتحت الارض ويوم العرض ..

شفت رد ..يوشا خانم...كان ردها رد صريح وفعلا كلامها واقع...حنا ماندري مين الشخص الي من ورا الشاشات يمكن يكون رجال وتطيحن ف الفخ ....انا صراحه استغربت من بعض العضوات الي تبي تاخذ الرقم علشان تساعد العضوه في مشكلتها...وش يدريك انها صادقه ..لازم من أخذ الحيطه والحذر حنا في زمن ينخاف ماعد صرنل نميز من الصادق من الكذاب ...حنا الحريم تاخذنا العواطف والمشاعر الرنانه وهذي فطره فينا ....بس يابنات....لازم نحط لانفسنا خط احمر مو كل شي نتعاطف عليه ...لازم نكون حذرين من كل شي

كلام في الصمييم
وانا معاك لاتاخذنا العاطفه لشي اكبر..

صدقت الاااااا اخذ الارقام

صادقه في عضوه دايما تكتب مواضيع فوق 18 وحتى لما وحده ترد عليها تحاول تسحب كلام جريء وتستانس على اللي تجي على جوها انا من اول ماشفت مواضيعها ماارتحت لها لان احسها واحد مو وحده
هذا غير اللي ترسل لي خاص بحكم انها مطلقه وتستشيرني بواحد متقدم لها وتبي رقمي تتواصل واتس اب انا ماارتحت لها
قلت لها استخيري واسالوا عنه اذا زين الرجال وافقي
وتخيلن ماردت علي ماادري حسيتها واحد يتابع كل مطلقه وعباله المطلقه صيده سهله حسبي الله ونعم الوكيل
هذا غير وحده مرسله لي كأنها بالغلط تسألني عن موضوع جريء بين الازواج رديت عليها انها غلطانه عمري ماكلمتها ردت تضحك انها غلطانه وردت ارسلت اذا اعرف بالموضوع هذا افيدها استغفر الله
حسبي الله ونعم الوكيل واللهم كافيني وكافي كل مسلمه شر خلقك بما شاء ..