احرجتني أمام الجميع

بسم الله الرحمن الرحيم


السلام عليكم ورحمة الله وبركاته,,,,,


أنا متضايقة مره حتى مارحت الدوام اليوم ,,,, قبل لا أقول لكم وش المشكلة بوضح الأسباب

أنا ماتزوجت صغيرة ولا كبيرة يعني على 25 تزوجت وتزوجت واحد يصغرني بسنه بالضبط

بس مجتمعنا يعتبر تزوجت أنا كبير خصوصا كل بنات العائلة من هم في عمري وأصغر مني تزوجوا قبلي


بس الحمدلله ربي رزقي بالزوج المخلص والمتدين والمثقف والمبدع في مجالات كثيرة وأنا أحمد الله كثير


وبكل صراحة أقولها زوجي أجمل مني بالشكل ,,, ورزقني الله بولد جميل وهو تسخه كربون من أبوه ماأخذ شيء مني

حتى لما ولدت صاروا ناس من العائلة يزروني رجال والله علشان يشوفون شكل ولدي لأنه سمعوا من زوجاتهم أنه جميل

بس والله ضربيه هالجمال ولدي تعب كثير من عيون الناس اللي ماترحم وياسبجان الله تغيرت بعض النفوس علي من غيرتها


وكثير وكثير صاروا يجرحون فيني بس مااهتميت لأني أدري من غيرتهم مو متقلبين هم احلى مني وأنا أجيب أحلى منهم

مع انه الأمر تافه من هالعقول التافهه اللي ماادري كيف تفكر ,,


المهم كنت معزومه على عشى ولما رحت وتوني جالسه الا وحده من البنات أول مره اشوفها

يعني مابينا تعارف ولا معرفه وكنا مجموعه كبيرة من البنات

قالت لي الله ولدك جنان مره ويهبل ومايشبهك ابدا ,,, ابتسمت لها وقلت لها يشبه أبوه

قالت أجل أبوه وسيم مره ,, سكت عنها وأنا ودي اذبحها

بعدني رجعت مره ثانية وقالت ولدك جميل ويهبل وماأخذ منك شيء بالمره

وقالت عسى اذا جبتي بنت تجيبيها تشبه ابوها علشان تطلع مزيونه

في قلبي قلت ( وربي قليلة أدب يعني ماقالت تشبه أخوها او على الاقل جاملت وقالت تشبه لك )


المهم تخيلووووووووووووا يابنات أنا ماكنت أتوقع فيه وقاحه بهذا الشكل لا وتقول صراحة وأنها صريحه عن نفسها

وهي وقحه وقمة الوقاحه


الا تقول لي كم عمرك ؟؟ قلت مايسألون المرأة عن عمرها ولا عن وزنها

الا طلعت يابنات تعرف عمري وطبعا أنا عرفت من وين عرفت عمري لأنه بس وحده من البنات تعرفه ماغيرها يعرفه وهي صديقتها وعن طريقها شفتها هناك


وقالت اعرفك عمرك وتقوله ,,, وبعدين قالت يعني تزوجتي كبيرة

بس غمزت لي وقالت بس تعجبيني من النوع اللي مايطيح واقف تزوجتي مو أي كلام


قلت لها أنا ماأعتبر تزوجت كبيرة واذا أنتِ تشوفيني مو حلوة ولا عاجبتك فزوجي يشوفوني حلوة وعاجبته

والحمدلله مرتاح معي مره ومايشوف غيري والله يبعد عيون الحساد عنا


قالت أنا ماقلت أنتِ مو حلوة وأنا صريحه وليه الناس ماتتقبل الصراحة

وبعدين قالت صحيح أنتِ عاديه مو شينه بس زوجك أحلى منك وولدك أحلى منك

وليه ماتتقلبين الصراحة وتزعلين


يابنات هي مسويه عمرها الصريحه الواضحه وهي وووووووقحه



قلت لها والله ثم والله وماحلفت على كذب اذا انتِ تشوفيني عاديه فأنا في عيوني زوجي جميلة والله


وماهمني في عيونك وش أكون وتراك ماتهزيني



وصارت تتكلم وأرد عليها خلاااااص نرفزتني بس ماقمت وطلعت لايقولون هربت أو زعلت


أنا حبيت أبين لهم أنها ماهمتني ولا هزتني



أحس نفسي متضايقة مرررررررره اللي ضايقني أنها اصلا عارفه عمري وشكل زوجي وكل شيء عنا

وواضح أنها تكلموا فيني هي مع اللي تعرفني ومسويه عمرها الصديقة


وطبعا ماأقدر اقول لزوجي عن هالمشكلة وتعرفون ليه بدون ماأذكر


يمكن هي مشكلة وانتهت بوقتها بس يابنات ضايق صدري مره


ومابي أشوف وجهها مره ثانية وبنفس الوقت اللي معتبرتها صديقة وش أقول لها ؟؟؟؟


أحس نفسي عافتهم