اهااااااااااااا فهمت الحيييييييييييين .. يبيلها دراسه عشان نعرف الشفره السريه لووول

وبالنسبه للموضوع اتوقع انه عادي الاداره ماراح تمانع اذا كان الموضوع فيه خير وفايده و طبعا في تلميحات بالنسبه للشغلات اللي مايصير تنذكر مراعاة للشروط و اكيد الكل راح يفهم .. يعني على الاقل الواحد يكون عنده افكار متنوعه و بما انج قلتي في الصميييييييم يعني اكيد الشي بيكون تأثيره قوي لانه من القلب للقلب :)
وانشالله يوفق الجميع و ناطره موضوعج بشووووووق حبيبتي:) خبريني اول ما تكتبينه راح اكون اول تلميذه عندج و منكم نستفيد
والله يهنيج مع زوجج

صح الريال ذكي بس احنى اذكى D:
وصح كلامج معناه باختصار الاعتدال في كل شي يعني الشي لو زاد عن حده انقلب ضده
لا نتساهل وايد معاه و لا نحبكها وايد يعني بالنص مره جذي و مره جذي و التنويع مطلوووووووووووووب انصحكم تنضمون لمجموعة طلاب ابله شمعة الجلااااس

بتفتح موضوع بالصميييييييييييييييم :p

سويتلج دعايه يا شمعة الجلااااس شتبين اكثر بعد من جذي تشجيع :2thmup:

:p

الجميل هو مرورج حياتي ..
و انا راح ارد على سؤالج ..

اول شي شوفي طبيعتج شلون صايره ؟؟

يعني كل بنت او انثى بشكل عام فيها طبع الدلع مغروس و فطره من الله مو شي الواحد يسطنعه .. لكن بسبب الظروف لمه الوحده تتزوج يبدأ شوي شوي هالدلع يختفي .. اهوه ما يختفي لكن قسوة الحياة والظروف تخلي الوحده تتغير و تصير مثلا عصبيه و متنرفزه و دفشه و تقول كلام مو لايق على البنات .. لكن هالطبع مو طبع الانثى و مافي انثى تقول ما اعرف اتدلع اصلا هذا بحد ذاته دلع :p

شوفي انا اقولج شنو تسوين و قوليلي اذا زوجج حس بتغير منج او لا و حسيتي انه صار يتقرب منج اكثر و تعجبينه او لا ..

اول شي ما ترفعين صوتج وانتي تكلمينه حتى لو عصبتي حافظي على انخفاض صوتج عشان لا ينصدم ويقول انا عايش مع واحد من الربع مو بنت ..

حاولي تكونين رقيقه بأسلوبج معاه .. شفتي شلون تحملين البيبي بكل رقه تخافين لا ينكسر ؟؟ خليج جذي داااااااايما رقيقه بكل شي تسوينه خصوصا معاه و حسسيه انه اقوى منج يعني مثال بسيط خطر على بالي .. ساعات ماتقدرين تفتحين بطل الماي للشرب يكون شوي قوي ومحتاج واحد يبطله انتي لا تسوين نفسج القويه اللي تقدرين على كل شي و تعورين ايدج عشان تثبتينله انج قويه لانه هالشي غلط .. صج انه مثال بسيط بس في اشياء اكثر ممكن تصير و الزوج ياخذ انطباع عن زوجته و احيانا يسميها سي السيد يعني كنايه عن انها نفس الرجل لول .. والله مو عارفه شلون اوضح اكثر قصدي بس باختصار حسسيييييييه انج اضعف منه و محتاجه قوته تساندج ..

طبعا مالا داعي اتكلم عن الضحكه و الابتسامه لازم ما تفارقج عشان تصيرين كامله والكامل الله ولا شنو فايدة الدلع بوجه عبوس؟؟ و لا تنسين الضحك لا يكون بصوت عااااااااااالي و مزعج و فيه دفاشه .. بالعكس خلي ضحكتج طبيعيه و كلها رقههههه و نعومه ..

الحين دور المشيه .. لا تمشين بدفاشه يعني لا تدبين ريلج دب على الارض لاااااا خليج ارق و ارق من مشية النمله لووول خوش مثال للتوضيح .. والله جد المشيه لازم فيها بعد رقه و دلع

قوليله كلام حلو بصوت دلع مع ضمه مع بوسه عالخد يعني نفس الطفل لمه يبي يطلب شي من الماما او البابا شلون يتصرف؟ انتي خليج جذيه

لو مثلا قاعد بالصاله يشوف تلفزيون وانتي كنتي تشتغلين في البيت و مريتي من الصاله رايحه غرفه ثانيه مثلا عطيه نظره من النظرات اللي تطيح الواحد من طوله مع ابتسامه رقيقه و امشي بكل خفهههههه و دلع

فلي شعرج و لعبي فيه جدامه وانتي تتكلمين ترى هالحركه وايد تأثر بالريال ويحس بدلع البنت وعفويتها يعني تاركه كل شي بالدنيه و تلعب بشعرها لوول بس هذا طبع فينا سبحان الله

اذا صار واختلفتو بالراي و اهو ضايقج بكلمه و حب يراضيج تدلعي عليه يعني فهميه انج رضيتي عليه بس كلميه بصوت واطي وانتي منزله عينج كأنج زعلانه و قوليله انت تدري انت بالذات ما احب تجرحني بكلمه لانه تعودت على الدلع منك و طبي في حظنه و لميه بس شوي شوي لا تعورينه لول و خلي ويهج جذي :( و لما يراضيج اكثر و يطيب خاطرج قوليله معقوله ازعل من حبيبي انا ؟ و عطيه بوسه عالماشي و طالعيه بنظرة رضى و قوليله بروح اغسل ويهي اشرب ماي كان راح يوقف قلبي من القهر (اسمالله عليج) بس لازم هالاسلوب عشان بقلبه يقول ياعيني عالدلللللللللللللللللعععععععععععععععععععع و هذا المطلوب لول

تصرفي بعفويه هذا اهم شي ..

وملابسج خليها بسيطه وناعمه اختاري الالوان الفاتحه مثل الوردي و المشمشي و البنفسجي الفاتح و الازرق السماوي الفاتح و الابيض عشان يحس انه جدامه وحده جذابه بلبسها و مشيتها و اسلوبها وكلامها و دلعها ..


و اذا تذكرت شي من اللي قريته و اعرفه راح اقولج :)