انا متزوجه لي سنه و 9 شهور عندي بنت الحمدلله
بعد زواجي باسبوع رحت مع زوجي لدولة اجنبيه عشان دراسته ،، رحت معه وصبرت على الحلوه والمره معه
مثلي مثل اي عروس كنت اتمنى شهر عسل حلوو لكني انحبست في غرفه لا طلعات ولا تمشيات ولا شي وهو كان يطلع كل يومين الى الساعه 2 تقريبا وانا ساكته و مقهوره
بعدشهر لقينا سكن واستقرينا،، عموما كان طيب وحنون معي لكن عيبه ان ماعنده اخلاق يعني كان يطلع من 8 ومايرجع الا حول الفجر وهو سكران والله العالم وين كان فيه (هذا الكلام كان شبه يومي لمدة 4 شهور وبعدها صار في الويكيند بس)
سكت وصبرت وقلت ماابي انكد عليه عشان مااخرب عليه دراسته وليتني طلعت بفايده
كنت كل يوم اموت الف مره وهو ولا حاس فيني كل اللي عنده انه يسكتني بالكلام المعسول
و حصلت اشياء كثيره ماودي اذكرها
حملت وبنص حملي رجعت للسعوديه وهو باقي هناك لحاله والله العالم وش كان يسوي في غيابي
رجع للسعوديه وماكمل دراسته اختلق لي عذر وانا سويت نفسي مصدقته وسكت ،، وانا متأكده ان سبب الغاء بعثته تدني مستواه الدراسي
كان مايعرف الدراسه الا وقت الاختبارات
قلت يلا الله يجعلها خيره.
طبعا الان هو قدم اوراقه عشان يحصل وظيفه ( ادعوله )
بعد ماولدت بالسلامه لقينا سكن وسكنا ،، وهنا بدت المشاكل
انا ادرس بالجامعه وهذي اخر سنه لي ،، احاول قد مااقدر اني اوفق بين دراستي وزوجي وبنتي والبيت
وربي اني من اصحى لما انام وانا اكرف مااجلس الا بحدود الساعه وتكون متقطعه بعد
واذا جلست جلست اكمل محاضراتي والا اشتغل على بحوث الجامعه يعني قليل جدا اجلس فاضيه واستمتع بوقتي
مر على هالوضع كم يوم
قبل امس كنت منهكه وتعبانه مرررره ماصدقت اخلص يومي ونتعشى انا وزوجي عشان انام (وياليتني نمت) بنتي كانت تعبانه وجلست طول الليل اداريها
ويوم جاء الصباح بروح للجامعه دخل زوجي المطبخ وجلس يتأمل فيه وطلع وهو مكشر
ركبنا السياره وكل واحد ماد بوزه شبرين ،، قال لي ليه المطبخ صاير زباله ،، قلت له كنت تعبانه امس
قال لي كلها صحنين وزبديه ،، (( بما انها بس صحنين وزبديه ليه خليت المطبخ كله زباله)) صحيح ان الزباله اكرمكم الله كانت مليانه وهذي صح غلطتي بس المفروض مايكبر الموضوع كذا
اللي يسمعه يقول اني 4 2 ساعه عالتليفون والا عالتلفزيون والا عالنت والا اهجهج برا البيت عشان يلومني اذا ماغسلت الصحون وانا والله ماعمري اشتكيت له حتى اذا صدعت مااقول له اني مصدعه عشان مايحط اللوم على دراستي
قبل كنت ادرس عشان نفسي لكن الحين تحمست اكثر لما عرفت بظروف زوجي كنت ابي ادرس واتوظف عشان نعيش مسنورين
المهم تناقرنا انا وياه بالسياره وقلت له اذا مو عاجبك لا تدخل المطبخ عصب ورجعني البيت وقال مافيه جامعه اليوم !!
انا هنا انهارت اعصابي كان عندي اختبار و معي دفتر بنت محتاجته وهو بكل برود يرجعني للبيت والله قهرررر
ويقول لي مو لازم تنجحين (( اجل ليه ادرس ّ))
كلمت اهلي وخليتهم يجون عشان اروح للجامعه قال لي لو تطلعين بدون اذني وريتك شغلك وانا هنا راكبه راسي الا بروح للجامعه كل تفكيري محصور بالبنت اللي معي دفترها والاختبار ماصار يهمني
المهم جو اهلي ويوم جيت اطلع قال لي اطلعي لحالك البنت ماراح تاخذينها ،، وتهاوشنا انا وياه وطردني وقال انسي تشوفين البنت و انتي مو كفو تصيرين ام وتربين
صار بيننا كلام كثير مني ومنه وكل واحد غلط على الثاني
طلعت لحالي بدون بنتي،، وتنكدت ولا رحت للجامعه ،، عرفو اهلي بالموضوع كلمو اهله عشان يجيب بنتي
والحمدلله جابها
ارسل لي رساله يهددني بالطلاق يحسبني بموت من دونه
هذي قصتي باختصار وحياتي معه
ماكتبت الموضوع ادور على حل كتبته لمجرد الفضفضه لا اكثر
فقط محتاجة دعواتكم لي ان الله يكتب لي مافيه الخير والصلاح
مخــرج
لا تزعل على شخص ماعرف قدرك ،، لأن الاعمى لو لمس جوهره لا يثمنها
يلزم عليك تسجيل الدخول أولًا لكتابة تعليق.
بعدين بكتب اسمي
•
الله يصلح حالك ان شاء الله
الله يصلح حالك ان شاء اللهالله يصلح حالك ان شاء الله
اسال الله العظيم ان يفرج همك عاجلا غير اجل
اسال الله العظيم ان يفرج همك عاجلا غير اجلاسال الله العظيم ان يفرج همك عاجلا غير اجل
الله يفرررررررررج لك ويسعدك ويهنييييييييييييك ويعوضك
ياااكريم..
ياااكريم..
اسأل الله بمنه وفضله ان يصلح حالك وحال زوجك واحوالكم وان يرده لك ردا جميلا
عليك بالدعاء للجبار ان يجبر كسر ويسعدك فهو الملاذ والملتجا
عليك بالدعاء للجبار ان يجبر كسر ويسعدك فهو الملاذ والملتجا
الله يهدي سركم اختي انتي فضفضتي واكيد ودك اننا نشورعليك بالشور الطيب وماله داعي تقولين نحتفظ لانفسنا لكن بقول لك شيء استخيري والله يقدم لك اللي فيه خير يارب
الصفحة الأخيرة