احساسي بالامومه والمجتمع !!!!هل انا صح او لا

السلام عليكم حبايبي كيفكم

ابدخل في الموضوع انا صارلي ست سنوات ماجبت اطفال بس زوجي عنده بنت من زوجه طلقها المهم الام تزوجت والبنت جلست عند الجده ومعها شغلتها بس شكل جدتها ملت منها وصارت تلمح لزوجي انه ياخذ بنته على قولها تعبت منها برغم معها شغلتها ومصروفها شهريا هذا غير المستشفى الي تعالج فيه ومركز لتوحد لان البنت معها توحد الله يعفيها ويشفيه المهم انا رحبت بالموضوع وقبل كل شي هذا بيت بوها قبل يصير بيتي وقبل كل شي تمنيت انها تجيني تونسني وتملى علي البيت من الفرحه طرت للسوق وجهزت لها غرفه وشريت لها العاب وملابس وشامبو اطفال ياه حسيت بالامومه:44: البنت عمرها خمس سنوات وقلت خلاص مدام امها اتصلت على ابوها وقالت خذ بنتك مابيها حتى جدتها تبرت منها قلت والله لاحطها بعيونها طبعا زوجي زعل كثير على تصرف امها الي تركتها وتزوجت واهي عمرها بالاشهربس انا هديته وقلت ياولد الحلال الله مايضيع احد قال انا ماقصرت معهم علشان يعاملون بنتي كذا !!المهم انامبسوطه كثيررر وصرت مانام بالليل افكرفي هالبنت الي بتجي مملكتي وبتربع في قلبي وتشغل وقتي راح اقولها لاتقولي خالتي انا ماما برغم انها ماتنطق الله يعفيها دخلت منتدى تحدي الاعاقه وقريت عن مرض التوحد وعرفت عنه كثير علشان اعرف اتعامل معها

لكن ابسالكم يابنات ليش جاني احساس الامومه مدري احس صارلي اسبوع وانا اتجهز للبنت كاني ابولد هههه عسى ماشروشفيني !!!
طيب خواتي والي حولي يقولون الله يعينك على نظرات النا س لك وراح تتعبك البنت وتملين :(
وانا اقول ليش ابكسب فيها اجر وارضي زوجي واحس بالامومه اللحين الناس يتبنون وانا عندي بنت زوجي والااربيها ليش بالعكس عندي احساس ان شالله بتتغير حياتي

ساعدوني مره متخوفه خواااااااااااااااااتي محتاجتكم كيف اتصرف