وبخصوص نفسيتك والاكتئاب انتي خففي التفكير وجلد الذات وراح تصير نفسيتك افضل وتتحسن صحتك 180 درجه
وافضل شي انك تبدأين يومك بالهروله او المشي السريع تحت الشمس بتلاحظين اثر ايجابي على نفسيتك وبيخف التوتر والقلق والتفكير
اصنعي لنفسك اهداف واتبعي احلامك وطموحاتك
اصنعي لاطفالك جو ايجابي واسعديهم واسعدي نفسك معهم حتى لو بحاجات بسيطه العبي وارقصي معهم خذيهم مشوار معك لحديقه او سوبر ماركت او مطعم او اي مكان اهم شي لا تجلسين تندبين حظك حرام عليك اطفالك محتاجينك وانتي محتاجه ترمين الهموم ورا ظهرك كفايه اللي مريتي فيه .
طيب ليش ماتصالحتو ليش مابادرتي وقلتيله مااعيش من غيرك سنتين مره فتره طويله يعني طول السنتين مانمتو
بغرفه
بغرفه
وربنا يغفر من اول توبه لك سبحانه لاتفكري هذي الافكار تجاهليها حاولي تراضي زوجك ولا تجيبي سيرة الماضي
الصفحة الأخيرة
ياعزيزتي زوجك خاينك ومقصر معك ومتجاهلك ومع ذلك انتي نسيتي كل اخطائه وركزتي على غلطتك الوحيده اللي هي اساساً رد فعل طايش على خيانته وتقصيره معك .
لا تحملين نفسك فوق طاقتك ولا تجعلين اكبر همومك واهدافك هو رضا زوجك الخائن المقصر
اجعلي همك هو رضا الله سبحانه وتعالى ، وكلنا نعرف بإن الله يقبل التوبه ويغفر الذنوب ، والحسنات يذهبن السيئات .
انتي اخلصتي التوبه وحاولتي تكفرين عن ذنبك وامتنعتي عن الذنب ولله الحمد وهذا يكفي انك ترتاحين نفسياً
الى هنا وكفايه استري على نفسك وانسي الموضوع ولا ترجعين تفتحينه مهما حصل ومهما وقعتي تحت ضغوطات
توجهي الى الله واكثري من لا حول ولا قوة الا بالله والدعاء بالايات من القران مثل :
( أَنِّي مَغْلُوبٌ فَانتَصِرْ )
( أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ )
( رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي )
( وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ )
( لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ )
( حَسْبِيَ اللَّهُ لا إِلَـهَ إِلاَّ هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ )
وبخصوص زوجك من اليوم اتركي امره الى الله وعلقي قلبك ولسانك وتفكيرك بالله فقط ، وخليه يسمعك وانتي ترددين حسبي الله ونعم الوكيل بقلب مؤمن بعدالة الخالق .
ثقي تماماً ان زوجك عارف انه غلطان معك لكن مستحيل يعترف هو مثل اللي ينتظر زله عشان يمارس الجفاء معك ويعيش حريته مع البنات لكن مصيره يصحى من غفلته ويعرف ان اللي يسويه مع بنات الناس بالسر والحرام يرجع له .
والبنت اللي يكلمها ويتغزل فيها اذا بقت معه سنتين ثلاثه ماراح تبقى طول العمر بعلاقه وهميه وراح تتركه وتعيش حياتها .
نصيحتي لك لا تخسرين عمرك وصحتك بملاحقة زوجك وتحرصين على رضاه لانه كذا مستمتع بحزنك وتعذيبك ويعتبر انه فعلاً مسك عليك ممسك وعايش حياته ، ارجوك من اليوم حبي نفسك ودلعي نفسك واسعدي نفسك واهتمي بجمالك وصحتك لا تدفنين نفسك ولا تذبلين عشان شخص مافكر غير بنفسه .
بإذن الله تفرج عليك قريب
اسأل الله العظيم ان يعافيك ويعفوا عنك وان يشرح صدرك وييسر امرك وان يسخر لك ملائكة السماوات وجنود الارض وان يسخر لك خيرة خلقه وان يصلح حالك وحال زوجك .