احساس الامومه؟؟؟؟ الله يرزقني وياكن

في انتظارك

اشوف شريط الحمل

الله يتمم عليك ان شالله نهاية سعيده

مرت سنه وكل الي حملو ولدو وكلهم جابو بنوتات وانا على حالي تيتي تيتي مثل مارحتي جيتي يعني ماكو حمل:09:
بس ابشركم نجحت ورحت لسنه ثالث:42:
زوجي كان يحب الاطفال موووووت وسبحان الله حتى الاطفال يحبونه يعني لما نطلع مكان ونشوف فيه اطفال اشوف الاطفال يطالعونه ويبتسمون:09:
مدري ليش حتى الاطفال الي بالعائله يحبونه بالحيل
بعد هالسنه كبر الموضوع براسي وصرت افكر فيه وكثرت الاسئله وتلطيش الكلام
بعدها قررت اروح اكشف انا وزوجي
وبالفعل رحنا وكاااااااااااااااااااااانت المفاجئه







زوجي عنده انعدام تام بالحيونات المنويه>>>يارب صبرنا
وبدا الهم وبدت المشاكل
انا اقترحت على زوجي محد يدري بالموضوع
ونخليه بيننا بس هو رفض وعلم امه وابوه على شان محد يضايقني
بس بالنسبه لاهلي محد يدري وبعد ماالحو علي بالاسئله
قلت لهم انا تعبانه والسبب مني
بدا الالحاح روحي عند الدكتوره الفلانيه روحي للمستشفى الفلاني ومن هالكلام
مرت السنه الثانيه وكانت من اسوء سنين عمري كنت مهمومه بالحيل:( وكنت احط كل حرتي بدروسي
وبعد مرور ست شهور انخطبت اختي والكل نسى موضوعي وارتحت حتى انا نسيته
وبعد ماتم سنتين على زواجي تزوجت اختي وبنت عمي بنفس الاجازه بس كانت بنت عمي قبل اختي بشهرين
وسبحاااااااااااااااان الله
كان لي موعد مع الهم والضيق:(
كتب الله ان الثنتين يحملون بنفس الشهر وانا للحين على حالي:09:
وصارو كل مايجتمعون مالهم سيره الا الحمل
كيف دريتي انك حامل؟؟وكيف خبرتي زوجك؟؟وش حسيتي؟؟وش تحبين؟؟وش تكرهين؟؟
لين ماكرهوني بعمري وحياتي:angry2:
يعني هم يسلفون وانا مثل الاطرش بالزفه
شي غريب عمري ماحسيت فيه عمري ماجربته ومتلهفه عليه
هم يدرون اني تمنى الحمل بس احس انهم يبغون يضايقوني
حتى زوجة حماي اعتبرتها اخت وكنت معها بالحلوه والمره بس هي للاسف ماكانت تبادلني الشعور
كانت دايم تجيني وتشتكي لي من زوجها ومعاملته لها خصوصا انها بغربه وبعيده عن اهلها
وماعندها احد وكنت دايم معاها بس للاسف لما حملت خبت علي وماقالت الا لما دخلت الشهر السادس
وصارت تسبب لي مشاكل مع اهل زوجي وتتكلم عني
حتى زوجها صار يتكلم عني ويقول اني عقيم ومافيني احمل ونشر هالخبر بين الناس مع انه رجل كبير عمره 37 حتى زوجته كبيره عمره36 بس ناقصين عقل
اذكر يومها بعد مادريت بالخبر كرهت عمري والدنيا وتمنيت اموت
وصرت ادعي عليه وعلى زوجته من قلبي كل وقت
وسبحان الله كانت زوجته حامل لها ثلاث شهور وانا ماكنت ادري ويكتب الله ان جنينها يموت بعد مادخل الشهر الرابع
وتسوي عمليه وينزلونه
واخت زوجي الكبيره كل ماشافتني فتحت الموضوع
واذا جلست معهم مالهن سيره الا الحمل كل وحده تقول اشتقت لبيبي صغيرون خلاص قررت ابي احمل هالشهر
وكلام كثير يوجع القلب اقوم من عندهم وماصدق ادخل غرفتي وتنفجر الدموع
صرت اكره كثر الروحات والطلعات واحب العزله
واذا ضاق صدري دخلت المنتدى وصرت اقرا وابكي وادعي للي مثل حالتي
نفسيتي بالحيل تعبانه :(وانا باخر سنه بالكليه وامتحاناتي مو بالمره حلوه
اهملت دراستي وبيتي وزوجي كله بسبب هالموضوع
انا ابي انجح واتخرج على شان اتفرغ انا وزوجي للعلاج
بس مو بيدي
احيان اتمنى اني اعيش بكوكب بروحي على شان ارتاح من الناس
املي بربي كبير انه بيرزقني بالقريب العاجل
افكر اني اتبنى ولد لما تولد اختي على شان ترضعه
بس خايفه من الي حولي
انا بنتهم مارحموني وجرحوني وضايقوني
وشلون بطفل لاحول له ولاقوه
اخاف اكون سبب بمعاناته
يارب ارحمنااااااا:(
وش تنصحوني فيه؟؟؟؟؟؟؟

ان شاء الله ربي يرزقك بالذريه الصالحه عاجلا غير اجل

طيب زوجك ماعالج ؟؟؟

انتي ابحثي عن الوصفات الي يكتبونها البنات علشان زيادة العدد والحركه للسائل المنوي للزوج يمكن الله ينفع بها ماتدرين

وعليك بسهام الليل وقراءة سورة البقره وكثري من الاستغفار

وطنشي وماعليك من كلام الناس مدام زوجك معك خلاص اتركي الباقي على جنب لان الناس ماترحم فالاحسن الواحد يطنش

اسأل الله العظيم رب العرش العظيم ان يرزقك ويرزقني وكل من تتمنى الحمل عاجلا غير اجل يارحمن يارحيم

حياك الله يالغاليه

الشريط عاجبني وحيبت اجربه

بس للحين مالله كتب لي حمل وحطيت الشريط للتفائل

ادعيلي بالذريه الصالحه وكل المحرومات

حياك اختي
زوجي بيبدا العلاج بس نفس الدكتور طلب مني اجي واسوي تحاليل واشعه على شان يتاكد
ويصير علاجنا سوا
لان صارلنا مسوين الفحص سنه تقريبا ولازم نعيد من الاول على كلام الدكتور
على شان كذا ابي اتخرج واتفرغ
وبالنسبه للوصفات لا والله ماجربت شي
انا محتاره مدري من وين ابدا
جربنا مره العسل الطبيعي وكان مقري فيه
وحصل تحسن كبير بس مااستمرينا