نـُهــــى 24 :

انتي ماشاءالله تجاوزتِ المرحلة الأصعب طفولتك بدون أب وبعد الأم ... فبإذن الله اي موضوع مقارنة بمرحلة الطفولة أكيد بيكون أسهل ... طبيعي تقربك منها كمحاولة تعويض لأيام الطفولة وبما ان محاولتك ع تقديرك وتقييمك غير ناجحة وفشلت ... و حتى لو افترضنا انك غرتي من علاقة أخواتك بوالدتك فبرضو غيرة مبررة مصدرها الحرمان اللي عشتيه بالطفولة ... لكن مهما جينا ورحنا مااعتقد فيه حل أفضل من إنك تتقبلين طبيعة الحال بينك وبينها ... وانه هذا نصيبك ومكتوبك معها ... وارضي بقدر الله ... وبدون ماتطرحين أسئلة ع نفسك وترهقين نفسك ب ليش وما ليش ... اعتبريه قدر وتعاملي معه على هذا الأساس عانيتي بطفولتك بما فيه الكفاية،، فاستغلي قربها ووجودها الحين ولاتسمحي للشيطان إحزانك ،ولا تركزي ع الحلقة والجزء المكسور بينكم ... لو ركزتي علاقتك فيها ماتعتبر سيئة ممكن ماتكون مثالية ولا هي ع الوجه المطلوب.. لكنها ماهي عدائية تستقبلك وتكلمك وتروحي لها وتهدي لها يعني الحمدلله التواصل بينكم موجود وهذا بحد ذاته جميل🤍 كثير ناس شفناهم علاقتك بأمهاتهم فعليا سيئة جدا وعدائية ،فالحمدلله علاقتكم مو بهذا المستوى محبة أخواتك وضرة أمك...حاجة تدعم الهدف المنشود وتقوي الروابط العائلية اللي تسعي لها ، هذا كله يجبر الجزء المكسور والمفقود في علاقتكم ... فركزي على مثل هالحلقات هي اللي تمنحك الرضا والتقبل... أمك ..عادي زوريها كلميها سوي اللي نفسك تسويه معها ،،،بدون ما تدوري مقابل لتصرفاتك وبدون لاتسألي ليش ماتبادر او تسوي لي ... اعتبريه من باب البر والبر أجره عظيم عند الله وهذا له مردود إيجابي كبير عليكِ اللي يجي منها الحمدلله خير وبركة ، واللي مايجي منها لاتضغطي ع نفسك بالمحاولات عشان يجي ... تصالحي مع طبيعة علاقتك فيها ... يكفي انك تبري فيها وتعوضي ايام الحرمان وترويه بوجودها وقربها .. حسب استطاعتك،، وهذا ربي مايضيعه لك .. وتذكري جناح السعادة يرتكز ع التقبل والرضا ... مستحيل النفس ترضى وتسعد الا إذا تقبلت ورضيت ... واعيد اللي قلت انتِ عديتِ المرحلة الأصعب والحمدلله ... اللي بقي هو الشيء الأسهل ... الله يجبرك ويسعدك ويسخرها لك ويعوضك بأيام جميلة ،،،مااوصيكِ بالدعاء🤍

انتي ماشاءالله تجاوزتِ المرحلة الأصعب طفولتك بدون أب وبعد الأم ... فبإذن الله اي موضوع مقارنة...