من الشر خارج سيدي والف مبروك
مبروك يامولاي اجــــــر ومثــــــوبه
الشعب قضى وقت بالحيل مربوك
خوف النتيجه وضع يحمل صعوبه
الخوف والتفكير بالحزن مشبوك
والشعب شعب الحب شعب العروبه
شعبك ترى لجلك عن الشر يفدوك
وحب المواطن حب نفسٍ رحوبه
بصدق المشاعر سيدي حيل يبكوك
موقف صعيب وكل مخلص يلوبــه
باب السعد ياسيدي كان مصكوك
واليوم طير السعد جر العذوبــــه
غنى وردد كل شعبك يحبٌــــــــوك
وعطر الوطن فايح يعانق هبوبه
اسعد خبر يوم الخلايق يشوفوك
شامخ على الاقدام صقر العروبه
العالم اجمع بالسلامه يهنــــــوك
من مشرق العالم لاقصى غروبه
ويارب كل الناس يارب يدعوك
تشفي ابو متعب ونوٌر دروبــــه