أشكركم والله يا حبيباتي على هالموضوع الحلو



تكفون حتى أنا عندي تساؤلات كثيرة عن النفخ ؟؟؟؟؟؟؟


واتمنى أي وحدة عندها معلومات تزودنا ولا تبخل علينا ..


أول شي : هل يعتبر تغير لخلقة الله وكذا يكون حرام؟

أو لأنه مؤقت وزينة للمرأة عند زوجها يسمح به ؟

يعلم الله إن احنا ودنا نتزين لرجالنا اللي بس يطالعون خدود باسكال وهيفاء حسين وغيرهم..


ثاني شي المضرة: هل فيه تأثير على زيادة تجاعيد البشرة بعد مدة من النفخ؟؟

أو لا قدر الله حدوث سرطان للجلد الله يكفينا الشر..


وبعدين كم المدة اللي ممكن اتهنى فيها بعد العملية بخدودي وهي منفوخة

ومتى ترجع تفش ثانية ؟وهل بترجع زي ما كانت او تذبل أكثر؟؟



أنا سمعت إن فيه حقن بدهون ذاتية من نفس الجسم!

يعني من الفخذ مثلا وهذي فيها فايدة ان الخدود ما تفش بسرعة ..

عشان الدهون هذي ما تذوب بسرعة...



وسمعت ان عيادات ديرما متقدمين جدا في هالمجال ..

بس بصراحة ما دقيت عليهم لأني عارفة بيروجون لسلعتهم وينفون وجود اي تأثيرات على المدى الطويل ..ويمدحون دكاترتهم ..



قلت أسأل حبيباتي بالمنتدى يمكن وحدة منكم تعرف دكتور أوجربت برا السعودية أو هنا ..
أو سمعت عن هالعملية توضح لنا ولها دعواتي



والله يجزاكم جميعا كل خير

سمعت انه ما يجوز.. الا اذا كان فيه عيب واضح

بنات أنا ما أعرف حكمه و لا راح أفتي فيه لأني ما جربته..بس اللي شفتهم عملوه ماخذين دهون ذاتيه من الجسم و أغلبهم من فخوذهم..و أول شهرين تكون الخدود مره كبار و بعدها تفش شوي و تعطي أستداره طبيعيه و خدود حلوه و وحده عاملتها من سنتين للحين ما تغير و الثانيه تقول اذا نحفت آخر شي ينحف وجهها و أول شي يسمن هو بعد العمليه لأنهم يسوون زي القنوات يعبون فيها الدهون فاذا نحفت تبقى فراغات و أول ما تسمن تتعبى .. فكلهم يمدحون النتيجه على أساس أنها أحلى من أول..

و هذي مشاهداتي من ناس أعرفهم

صاحبتي سوتها عند هدى البيطار وانا كنت معاها ... ما عليه حلوو شغلها

معليه بس خبرونا عن الحكم ؟
يجوز أو لأ ..
بصراحة ماتسوى شوية زينة ننلعن بـ بسبتها : )